Raymond Leblanc

Raymond Leblanc fourit l' askepieu del gazete di bindes d' imådjes « Tintin » eyet des eplaidreyes do Lombard. Il a vnou å monde a Tronquoy, li 22 d' may 1915.

Vicåreye

A troes ans, i lijhéve et conter dedja comifåt, ey a 11 ans, i fijhéve ses scoles å Nou-Tchestea.

Il åréve volou fé docteur mins, l' 1î d' djanvî 1932, k' il a 16 ans, il a stî oficir des dwânes, a Brussele. Raymond Leblanc a stî l' deujhinme dissu 800 k' ont passé l' egzamin po wangnî l' plaece.

Lieutnant e 1940, i rtoûnéve en erî divant les Almands et s' ritrover el Neyerlande. Èn an après, i fijhéve passer les gazetes ki rexhnut a muchete dizo l' nez des evayixheus. L' anêye shuvante, rivnou ås Dwânes, i s' fwait mimbe do « M.N.R. » (Mouvmint Nåcionå Rweyalisse). Li 3 d' setimbe 1944, il aveut egayolé ene pitite pekêye di sôdårds almands k' alént fé peter e l' air les bastimints des dwanes di Tour et Tacsi.

Ovraedje

E 1945, l' idêye lyi vént d' fé ene gazete ki s' lomréve Tintin, avou les bindes do minme no. L' aroke c' est ki Hergé n' est nén bén veyou la k' i n' s' a nén ritourné, lu, po bouter, tins del guere, avou l' Råvlé-Swer. Ci n' est nén po djoker Raymond Leblanc. Avou ès cévé d' rezistant, il a li bresse long ey arive a arindjî les bidons. Li 22 d' decimbe d' ciste anêye la, li dossir d' Hergé est tapé å parfond d' on ridant et, å moes d' may 1946, on lyi dene on bea certificat d' civisse. Li 4 d' octôbe del minme anêye, Hergé est otorijhî a s' rimete a ovrer. I gn a ût djoûs ki l' prumî limero del gazete TINTIN a stî metou a vinde.

Li popa del gazete Tintin aveut dimandé a onk di ses soçons d' arindjî comifåt les pådjes do magazine. Labele, lu eto aveut bouté po l' Sicroté-Swer (ene binde a l' après do Baron d' Munchhausen) et esse moens pezant. Jacques Van Melkebeke, k' i s' loméve, a stî metou a l' ouxh et s' rade ritrover å yoyo. Li 29 d' octôbe 1947, Fernand Demany, deputé, aveut riclamé a l' Tchambe: « Ôtrumint, aveut-i dit, i fåt djoker d' fé parete li gazete Tintin. »