Revintreye ås djasmins
Li revintreye tunizyinne u revintreye ås djasmins, c' est ene revintreye do peupe di Tunizeye k' a cmincî li 17 di decimbe 2010 a Sidi Bouzid, et tcheryî so les prumîs moes d' 2011.
Ci fourit l' prumire des revintreyes arabes di 2011.
Li 14 di djanvî 2011, elle a parvinou a disdjoker Zine Aabidine Ben Ali, li prezidint do payis dispu 1987. Pu a fote a l' ouxh les gros minisses do pårti unike ki s' avént tchôkî todroet dins l' prumî govienmint provizwere (28 di djanvî).
Al fén des féns, gn a yeu ki 215 touwés, oficirmint, todi.
Fime del revintreye
[candjî | candjî l’ côde wiki]On djonnere, k' aveut on diplome d' univiersité, mins sins ovraedje, aveut divnou martchotea po wangnî kékes liårds, Mohamed Bouazizi. Li police lyi hapa si martchandijhe. Araedjî, i s' fjha måleur di s' coir tot s' metant l' feu a lu-minme. C' esteut li 17 di decimbe 2010.
Les djonnes s' atôtchèt adon so les rantoeles di soçnaedje et avou les telefones axhlåves, et roter so Tunisse.
Les djindåres sont bénrade incapåbes di wårder l' ôre. C' est l' årmêye ki fwait cisse bouye la.
Sacwants djoûs pus tård, Ben Ali et ses djins petént å diåle eviè l' Arabeye sewoudite.
On noû govienmint fourit askepyî, pu vitmint rcandjî. Li noû prezidint pa interim decida di mete so pî des vôtaedjes pol moes d' djulete.
Consecwinces del revintreye tunizyinne
[candjî | candjî l’ côde wiki]Des ôtes payis arabes la k' i gn a des redjimes politike come li ci del Tunizeye, vont kinoxhe eto des bardouxhas ou des påjhires metingues po dmander dipus d' abondroets po les djins. Nén co on moes après l' Tunizeye, c' est l' Edjipe ki fwait si prôpe revintreye. Pu, fén do moes d' fevrî, c' est l' revintreye libyinne. Et tos les mouvmints des revintreyes arabes di 2011 ki s' a spårdou come l' aloumire divins tot l' monde arabe, et minme ådfoû e Moyén Levant.
Hårdêye difoûtrinne Fi d' ramtaedje dissu (so l' forom "Berdelaedje")
