Mario Puzo

Hi Mario Gianluigi Puzo (Oktubre 15, 1920 – Hulyo 2, 1999) usá nga Amerikano nga manunurat, manunurat-hin-pelikula ngan peryodista. Kilalado hiyá tungod han iya mga nobela hin krimen mahitungod han Italyano-nga-Amerikano nga mafia, an pinakasikat hiní amo an The Godfather (An Padrino o An Ninong) (1969), nga iyá ha urhe nga bahin ginhimo-hin-upod ngadto hin usá nga saga hin pelikula nga tuló an bahin nga gindirekta ni Francis Ford Coppola. Nakakarawat hiyá han Academy Award for Best Adapted Screenplay tungod han syahan nga pelikula han 1972 ngan han Part II han 1974. Ginsurat gihapon ni Puzo an orihinal nga screenplay para han 1978 nga pelikula nga Superman. An iya kataposan nga nobela an The Family (An Pamilya o An Banay) ginpagawás katapos han iya kamatay dida han 2001.