Senado han Illinois
An Senado han Illinois (ha Ininglis: Illinois Senate) amo an igbaw nga kamara han Heneral nga Assamblea han Illinois, an lehislatibo nga sanga han gobyerno han estado han Illinois ha Estados Unidos. Ginhimo ini nga katitirok han syahan nga batakan balaod han estado nga gin-adopt han 1818. An Senado han Illinois nahimo hin kalim-an kag siyam (59) nga mga senador nga gin-iilihir tikang hin mga tag-usa nga distrito lehislatibo nga gindeterminar ha populasyon. Ha ilarom han Batakan-Balaod han Illinois han 1970, ginbabahin an mga senador ngadto hin tulo nga grupo, nga an tagsa grupo mayda duha-ka-tuig nga panahon-hin-sirbisyo ha lain nga bahin han dekada ha butnga han mga census, samtang an nahabilin han dekada nahilakip hin duha ka upat-ka-tuig nga panahon-hin-serbisyo.[1] Depende hiton tuig hin pinli-ay mga ⅓, ⅔, o kundi man ngatanan han mga lingkoranan ha senado mayda mga natatapos nga mga panahon-hin-serbisyo. Ha lain nga bahin, an Balayan han mga Representante han Illinois mayda mga 118 nga api nga diin an ngatanan nga api hini na-iilihir hin duha-ka-tuig nga mga panahon-hin-sirbisyo. An mga distrito han Balayan han mga Representante nahihimo ha pagtunga han tagsa distrito han Senado.[2]
Nagtitirok iton Senado han Illinois ha Kapitolyo han Estado han Illinois ha Springfield, Illinois. It syahan nga opisyal nga adlaw-hin-pagbúhat amo iton ikaduha nga Miyerkoles han Enero ha tagsa tuig. An mga nangunguna nga buruhaton hini amo an pagpasa hin mga bill ngadto hin balaod, an pag-aproba han budget han estado, an pagtugot han mga pinili ngadto han mga departamento ngan ahensya han estado, pagbúhat ha mga pagliwat han federal nga batakan-balaod ngan pagproponer hin mga pagliwat ha batakan-balaod han Illinois. Mayda liwat hini gahom hin paglabaw hin mga veto han gobernador pinaagi hin pagbotos hin tulo ka ikalima nga bahin hini. An Senado amo an korte hin mga impeachment nga binuhat han Balayan han mga Representante, ngan ini puyde makagsirot hin gin-impeach nga mga opisyales hin duha nga ikatulo nga bahin nga botos.
An pagbotar ha Senado han Illinois binubuhat ha pagpidlit hin tulo nga pidlitan. Diri sugad ha iba nga mga estado an Senado ha Illinois ha bahin nga dinhe natugot an Senado han Illinois han mga api nga magbotar hin oo, diri o ada/presente. Nakinahanglan hin 30 nga oo nga botos ha pagpasa hin ginlehislar ha kataposan nga buruhaton. An kadamo hin mga "diri" nga butos waray labot. Amo nga an paggamit han "ada" o "presente" nga botos baga la gihapon hin nagbotar hin "diri".
An Partido Demokrata han Illinois ha yana mayda veto-proof nga mayoriya ha Estado han Illinois.
Mga kasarigan
[igliwat | Igliwat an wikitext]- ↑ Illinois Constitution Article IV, Section 2(a) http://www.ilga.gov/commission/lrb/con4.htm
- ↑ Illinois Constitution Article IV, Section 2(b) http://www.ilga.gov/commission/lrb/con4.htm
 | Usa ka turók ini nga barasahon. Dako it imo maibubulig ha Wikipedia pinaagi han pagparabong hini. |