ბენილუქსი
ბენილუქსიშ რსხუ (ნიდ. Benelux Unie; ფრანგ. Union Benelux; ლუქს. Benelux-Unioun), თაშნეშე შინელი რე მუჭოთ ბენილუქსი — პოლიტიკურ-ეკონომიკური გოართოიანაფა ევროპას, ნამუთ იკათუანს ბჟადალი ევროპაშ სუმ ქიანას: ბელგიას, ნიდერლანდეფს დო ლუქსემბურგის. რსხუშ ჯოხოდვალა აკმოდირთუ მაკათური ქიანეფიშ მაართა ასოეფიშე: ბელგია-ნიდერლანდეფი-ლუქსემბურგი.
ბენილუქსიშ გოართოიანაფაქ დირსხუ 1944 წანას. ბენილუქსიშ ფართობი 75,149 კმ² დო მახორობაშ მუდანობა 29,903,464 ადამიერი (2021 წანაშ მუნაჩემეფი).
ბენილუქსიშ რსხუშ თარი პოლიტიკური ინსტიტუტეფიე: მინისტრეფიშ კომიტეტი, რსხუშ სხუნუ დო გენერალური სეკრეტარიატი. ბენილუქსიშ ოფიციალური ნინეფი ნიდერლანდური დო ფრანგული რე. ბენილუქსიშ რსხუშ პრეზიდენტი ქიანა ირ წანას ითირუ. 2022 წანაშ პრეზიდენტი ქიანა ლუქსემბურგი რე.