לוגאנסק גובערניע
|
לוגאנסק גובערניע (אוקראיניש: Луганська область), אויך באקאנט אונטערן נאמען לוגאנשטשינא (אוקראיניש: Луганщина), איז אן אבלאסט (גובערניע) פון אוקראינע. איר הויפטשטאט איז לוגאנסק. זייט 3טן מיי 2022 איז די גובערניע אונטער דער אקופאציע פון לוגאנסקער פאלקסרעפובליק.
געאגראפיע
רעדאַקטירןלוגאנסק גובערניע האט א שטח סה״כ פון 24.588 ק״מ, און געפינט זיך אין מזרח אוקראינע. צום צפון איז די בעלגאראד גובערניע פון רוסלאנד, צום צפון־מזרח – די וואראנעזש גובערניע פון רוסלאנד, צום מזרח – די ראסטאוו גובערניע פון רוסלאנד. צום מערב ליגט דאנעצק גובערניע און צום צפון־מערב איז כארקעוו גובערניע.
געשיכטע
רעדאַקטירןלוגאנסק גובערניע איז געשאפן געווארן 3סטן יוני 1938 אונטערן נאמען „וואראשילאווגראד גובערניע”. בשעת דער צווייטער וועלט-מלחמה ווערט זי אקופירט דורך נאצי דייטשלאנד פון 1942–1943. די גובערניע איז געהאט באנאמענט געווארן לכבוד קלימענט וואראשילאוו, א סאוויעטישער גענעראל. אין 1954 האט מען עס אנגערופן מיט אן אנדער נאמען – לוגאנסק גובערניע.[1]
אין 1994 איז געווען א רעפערענדום אין די לוגאנסקער און דאנעצקער גובערניעס כדי צו אנערקענען רוסיש ווי א נאציאנאלע שפראך.די רעפערענדום, אבער, איז געווארן אנולירט פונעם אוקראינישן רעגירונג.[2][3]
אין 2014 ווערט די גובערניע אקופירט דורך רוסישע סעפאראטיסטן, וועלכע האבן דעקלארירט די לוגאנסקע פאלקסרעפובליק. זינט 2014 פירן זיי א שלאכט מיט אוקראינע.[4] און זינט יולי 2022 קאנטראלירן זיי 100% פון דער גובערניע.[5][6][7]
שטעט אין לוגאנסקער גובערניע
רעדאַקטירן- לוגאנסק
- אלטשעווסק
- סיעוויעראדאנעצק
- ליסיטשאנסק
- כרוסטאלני
רעפערענצן
רעדאַקטירן- ↑ https://old.archives.gov.ua/Eng/Archives/ra12.php
- ↑ http://thekievtimes.ua/society/372400-donbass-zabytyj-referendum-1994.html און https://web.archive.org/web/20210205101718/http://thekievtimes.ua/society/372400-donbass-zabytyj-referendum-1994.html
- ↑ http://www.nakanune.ru/articles/18807/
- ↑ https://www.researchgate.net/publication/299383810
- ↑ https://www.nytimes.com/2022/07/03/world/europe/ukraine-war-lysychansk.html
- ↑ https://www.theguardian.com/world/2022/jul/03/russias-claim-it-has-won-effective-control-of-luhansk-rejected-by-ukraine
- ↑ https://www.bloomberg.com/news/articles/2022-07-03/ukraine-loses-its-final-eastern-stronghold-in-luhansk-region