יאנישער ים
דער יאָנישער ים (גריכיש: Ιόνιο Πέλαγος, איטאליעניש: Mar Ionio אדער Jonio, אלבאניש: Deti Jon) איז אן ארעם פונעם מיטלענדישן ים, דרום פונעם אדריאטישן ים (דורכן דורכגאס פון אטראנטא). צו מערב איז דרום איטאליע כולל קאלאבריע, און סיציליע; צו מזרח איז דרום מערב אלבאניע, און א סאך גריכישע אינזלען, כולל די יאנישע אינזלען קארפו, זאקינטאס, קעפאלאניע, איטאקא, און לעפקאס. דער ים איז פון די מערסטע סייזמישע אין דער וועלט, ד"ה עס פאסירט דארטן א סאך ערדציטערנישן.
די שטאט סיראקוזע ליגט אויפן ים.