Kim-sio̍k

Gallium, chi̍t-khoán Kim-sio̍k gôan-sò͘.

Kim-sio̍k sī chi̍t-lūi gôan-sò͘, khah gâu sit-khì tiān-chú lâi piàn chò iông-lî-chú, ia̍h-sī kap kî-thaⁿ kim-sio̍k gôan-chú chi-kan sán-seng kim-sio̍k kiat-ha̍p.

Chū-jiân-kài ê kim-sio̍k tōa-hūn lóng-sī í hòa-ha̍p-bu̍t ê hêng-sek chûn-chāi, chí-ū chió-sò͘ sī to̍k-li̍p goân-chú ê hêng-sek, pau-koat n̂g-kim kap gîn-á.

Li̍t-siông seng-o̍ah tiong ê kim-sio̍k it-poaⁿ ū chi̍t-kóa kiōng-tông ê sèng-chit, pau-koat tō-tiān, tō-jia̍t, kim-ku̍t, ū tián-iân-sèng, che-sī in-ūi kim-sio̍k gôan-chú chi-kan ū chū-iû tiān-chú.

Kho-ha̍k hun-lūi

Kho-ha̍k-siōng, kim-sio̍k ē-tàng hun-sêng kúi-ā-ê lūi-pia̍t:

• Alkali kim-sio̍k (鹼金屬)
• Alkali-thó͘ kim-sio̍k (鹼土金屬)
• Lāi-kòe-tō͘ goân-sò͘ (內過渡元素)
  • Lanthanum-hē goân-sò͘ (鑭系元素)
  • Actinium-hē goân-sò͘ (錒系元素)
• Kòe-tō͘ goân-sò͘ (過渡元素)
• Kî-thaⁿ
  • Pîn-kim-sio̍k (貧金屬), hui-chèng-sek.

Chham-khòaⁿ

• Chiu-kî-piáu ê goân-sò͘ hun-lūi