保齡

轆齡

保齡（音譯自英文Bowling）係種球類運動，玩法主要係用保齡球撞低保齡樽。玩呢種遊戲又叫轆齡。

最常見嘅保齡運動係十樽保齡。

起源

考古學家喺公元前7200年古埃及嘅古墓之中發現到有九個球樽同一個石球，因而被認為嗰時可能就有類似保齡球嘅運動。喺埃及發現公元前332年至30年嘅建築遺蹟，估計可能係人類最早被發現嘅保齡球場。到咗3至4世紀嘅歐洲，變咗做宗教儀式，將球樽當成惡魔，然後用球去擊倒，成為除魔嘅象徵。喺中世紀宗教革命之後嘅德國，保齡球逐漸發展成為九瓶運動（Skittles）。而喺16世紀傳入美國，然後慢慢演變成而家嘅十個球樽嘅保齡球運動。