少數民族，有時又叫少數族裔（香港常用）或者少數族群（澳門常用），係指某地方人口佔少數嘅民族，幾個詞嘅意思差唔多。
香港政府稱嘅「少數族裔」包羅萬有，唔係華裔嗰啲人統統計澌入去[1]。澳門政府指嘅「少數族群」意思一樣[2]。
大陸政府定義咗，中國有五十六個民族——漢族之外嗰五十五個都係少數民族[3]。按渠嘅劃分，居民之中重有「未識別民族」[4] 同埋「外國人」[5]。
