弓箭

弓箭（bow and arrows）係一種長距離武器，包括用嚟貫穿目標造成傷害嘅箭（arrows）同埋用嚟將箭射出去嘅弓（bow）。

歷史

射箭運動起源好早，原始時代就成為咗人類狩獵同戰爭嘅手段。世界各地嘅民族都有呢做活動，中國殷代甲骨文上曾經有「矰（箭）繳」嘅記載，係一種獵殺啲鳥嘅射具。漢代畫像入面嘅善射者，通常都叫做蹶張士或者強弩手。《史記·張丞相列傳》「以材官蹶張」裴駰《集解》引用三國魏如淳曰：「材官之多力，能腳蹋強弩張之，故曰蹶張。律有蹶張士。」宋朝同金朝兩國使節往來嗰陣，會舉行射弓宴，兩邊喺宴會上射箭嚟決勝負，金人往往都係贏得多輸得少，但係隨着金人漢化政策嘅發展，金人嘅射箭技術已經冇以前咁勁。衛紹王崇慶元年（1212年），南宋賀金國正旦國信使程卓去中都，喺朝廷例行嘅射弓宴入面，金朝「伴射昭勇大將軍、殿前右衛將軍完顏守榮，自午初射，伴射連不中」。