挪亞方舟

  想搵同名香港主題公園嘅話，請睇挪亞方舟 (香港)。

1675年所畫，講挪亞故事。

挪亞方舟（希伯來文：תיבת נח）又譯諾亞方舟，係希伯來神話入面，天主命令諾亞整嘅一隻方舟，相傳呢隻方舟可以載晒所有生物，每樣一公一乸，做呢隻方舟係因為要避過神將會賜落嚟嘅一場大洪水，而呢場大洪水會將全世界所有生物浸死。

關於諾亞方舟嘅記載，可以喺猶太教經典《妥拉》，又即係基督教《舊約聖經》入面嘅創世記搵到，而伊斯蘭教《可蘭經》第6章到第9章都有講關於諾亞方舟。

以希伯來神話做基礎嘅亞伯拉罕教分支宗教，好似猶太教、基督教，多數都相信諾亞方舟係堅嘢，不過亦有啲派系認為方舟只係一個隱喻，代表教會嘅象徵，而經文直譯主義者就相信諾亞方舟係堅過石堅，重認為諾亞方舟停咗喺土耳其東北面嘅阿辣辣特山地區。

經過多年考古發現，發現巴比倫及亞述古神話，亦有極之類似嘅故仔，只不過故仔係多神。

方舟故

睇埋：創世紀洪水故仔

參考

• 《聖經－－創世紀》