梅

  「梅花」跳轉到呢度。想搵梅字嘅第個解，請睇「梅 (搞清楚)」。

  想搵梅花嘅第啲嘢嘅話，請睇梅 (搞清楚)。

How to read a taxobox 梅花
物種分類
界 植物界 Plantae 門 被子植物門 Magnoliophyta 綱 雙子葉植物綱 Magnoliopsida 目 薔薇目 Rosales 科 薔薇科 Rosaceae 亞科 梅亞科 Prunoideae 屬 李屬 Prunus 亞屬 (Subgenus): 李亞屬 Prunus Section: 杏組 Armeniaca 種 梅 P. mume
二元學名
Prunus mume Siebold & Zucc.

梅

梅花（粵拼：mui4 faa1；學名：Prunus mume）；簡稱梅（mui4 / mui2）；係薔薇科李屬嘅一樖落葉喬木，喺中國內地嘅長江以南地區都可以見到佢，其中喺江蘇、安徽、湖北、湖南同四川嘅比較多。

形態

呢樖植物一般有4—5米到，最高可以生到10米。佢嘅樹葉好似闊嘅橢圓形，而且尾係長又尖噉。葉柄度有兩嚿凸咗出嚟嘅腺體。而花嘅方面，佢會開粉紅、白、紅或墨紅色嘅花，而花係出咗樹葉之後先至有。佢分開咗單層同多層嘅品種，大多數單層嘅梅花係可以結果，不過佢嘅果雖然可以食得，但係佢嘅味超酸。而大多數多層嘅梅花係好少結果，佢主要係成日畀人睇。

用途

梅花有好多用途。佢既可以用嚟做園林嘅觀景植物，同時重可以用嚟做風景樹。另外，佢嘅果可以用嚟做食品同藥都得。有啲果梅經過加工之後，整成話梅、青梅、漬梅、酸梅、梅膏、陳皮梅鄧，甚至可以整成糖、梅酒同梅醋、酸梅湯都得。而佢嘅花可以提取香精。

藥用價值

梅嘅葉、花、梗、根、果同籽都可以做藥，佢有以下呢啲功效：

格標題	格標題
果	久咳、虛熱煩渴、久瘧、長期腹瀉、痢疾、大便出血、血尿、血崩、蛔厥腹痛、嘔、鉤蟲病、牛皮癬，爛肉。
花	喉嚨痹、瀉痢煩渴
葉	痢疾同霍亂
梗	不知道
根	風濕、痢疾、膽囊炎，瘰癘。
籽	膈氣、癰疽腫毒、外傷出血、暑氣，心煩。

文化

中國文化入面，梅係冬季嘅代表花，有堅毅嘅精神。梅亦同蘭、竹、菊並稱「四君子」。

中華民國國旗

内文：中華民國同中華民國國旗

梅亦係中華民國國花。喺孫中山推翻咗清朝，之後搞咗中華民國嗰陣就用咗五色國旗嚟代表各個民族嘅團結，重用咗梅花呢五個花瓣嚟象徵五色徵。就係噉，梅花成日俾人話係中華民族嘅象徵。

詩詞

梅花喺歷代中國文學入面，成日都俾詩人同詞人寫嘅嘢。

陸游——《卜算子·詠梅》：

驛外斷橋邊，寂寞開無主。已是黃昏獨自愁，更着風和雨。

無意苦爭春，一任群芳妒。零落成泥碾作塵，只有香如故。

王安石——《梅花》

牆角數枝梅，凌寒獨自開。

遙知不是雪，為有暗香來。

喬吉——《水仙子·尋梅》

冬前冬後幾村莊，溪北溪南兩里霜，樹頭樹底孤山上。冷風來何處香？忽逢縞袂綃裳。酒醒寒驚夢，笛淒春斷腸。淡月昏黃。

斷際禪師——《宛陵錄》

塵勞迥脫事非常，緊把繩頭做一場；

不經一番寒徹骨，爭得梅花撲鼻香。

王冕——《墨梅》之一

我家洗硯池邊樹，朵朵花開淡墨痕。

不要人誇好顏色，衹留清氣滿乾坤。

吾家洗硯池頭樹，個個花開淡墨痕。

不要人誇好顏好，只流清氣滿乾坤。

王冕——《白梅》

冰雪林中著此身，不同桃李混芳塵。

忽然一夜清香發，散作乾坤万里香。

家紋

梅紋係梅花圖案化之後嘅日本家紋。喺奈良時代開始就猛咁用，由於菅原道真鍾意梅花先至用咗嚟搞天滿宮嘅神紋。而圖案方面，分別有「梅（うめ）」、「梅鉢（うめばち）」、「捻じ梅（ねじうめ）」、「実梅鉢（みうめばち）」等。大概分成「匂い梅（においうめ）」、「向う梅（むこううめ）」等寫實圖案嘅梅花紋同「梅鉢（うめばち）」等簡潔嘅圖案整成。

梅・梅花 梅・梅花  梅鉢 梅鉢  加賀梅鉢 加賀梅鉢  星梅鉢 星梅鉢  裏梅 裏梅  八重裏梅 八重裏梅  梅鶴 梅鶴

花名歌謠

喺中國內地嘅古詩文化入面，曾經有首同花名歌謠有關嘅詩係形容12個月出嘅比較靚嘅嗰啲植物。其中入面講嘅「正月梅花吐芬芳」就係佢。

廣州地名

喺廣州嘅東山嗰頭有個嗌「梅花村」嘅地名，就係聽話之前嗰時係一片鄉下地區，嗰時種咗好多梅花先至將個村改成噉嘅名。

啤牌

睇埋：啤牌

喺啤牌嘅4隻花色入面，其中有一隻花色叫「梅花」。

類

• 按生長狀態嚟分：野生梅、家梅；
• 按用途嚟分：食用梅、觀賞梅；
• 按譜系嚟分：真梅系、杏梅系；
• 按枝幹嘅形態特徵嚟分：直枝梅、垂枝梅、幹梅同龍游梅等。

產品

• 酸梅
• 話梅
• 梅酒

有關嘅書

• 中国少年儿童百科全书 自然·环境 第421——422页　浙江教育出版社 ISBN 7-5338-1946-2/G·1942

睇埋

• 西梅

出面網頁

• 梅 Mei 藥用植物圖像數據庫 (香港浸會大學中醫藥學院) （中文）（英文）
• 烏梅 Wumei 中藥材圖像數據庫 (香港浸會大學中醫藥學院)
• Photo of a package of Korean maesil cha (maesil tea)
• 梅花的古今药用价值大全 中医园
• 梅 Armeniaca mume Sieb. 中国植物志