泡泡交響曲
提示：呢篇文講嘅唔係泡泡龍2。| 泡泡交響曲 | |
|---|---|
| Bubble Symphony flyer.png | |
| 類型 | 益智類、射擊類 |
| 平台 | 街機、世嘉Saturn |
| 整 | TAITO |
| 發行 | TAITO |
| 系列 | 泡泡龍系列 |
| 模式 | 單人、雙人 |
| 發行日期 | 街機 1994 |
| 分級 |   |
| 顯示 | 320×224 |
泡泡交響曲（日文：
故仔
[編輯]有一日Bubby（バビー）、Bobby（ボビー）、Kulun（クルン）、Coron（コロン）四個人去咗圖書館，無意中打開咗一本畫冊。喺呢個時候，Hyper drunk將佢哋四個人變成泡泡龍並封印喺畫冊裏面。
四隻泡泡龍Bubblun（バブルン）、Bobblun（ボブルン）、Kululun（クルルン）、Cororon（コロロン）要揾辦法變返人形，同埋返去原本嘅世界…
玩法
[編輯]泡泡交響曲嘅玩法同之前嘅泡泡龍差唔多，都係要將畫面裏面所有敵人消滅。呢次加咗新嘅敵人角色，而咁多個關被分開成六個唔同嘅世界，每個世界嘅最後一關都要打大佬，同樣要飲魔法水先至能夠攻擊佢。打完一次大佬之後會出現下一個世界嘅門，通常係二揀一。
每個世界打大佬之前咁多關都隱藏住一個音符板（一個世界一隻色），儲夠三個同一隻色嘅音符板就會變出一條同顏色嘅鎖匙，要行埋去先至算真正攞到。喺第五個世界打大佬之前，要揾齊嗮四條唔同顏色嘅鎖匙，唔係就開唔到通去第六個世界嘅門，並提早出現唔好嘅結局。
喺某啲上下有窿嘅關，喺「Hurry up!」嘅警告字句出現之後，會出現其中一個透明嘅"R""O""D"泡泡（"E""X""T""E""N""D"嘅泡泡都係有底色），儲齊呢三個泡泡就會出現一支棒，泡泡龍會變返做人，而剩低嘅敵人都會被消滅。
另外，遊戲有唔同嘅TAITO遊戲角色客串出場，包括奇奇怪界系列嘅小夜同埋太空侵略者嘅大炮等等，敵人俾佢哋掂到或者擊中就會被消滅。
道具
[編輯]- 快鞋：加快主角嘅移動速度。
- 黃糖：加快玩家嘅噴泡速度。
- 藍糖：主角嘅噴泡速度加快。
- 紅糖：主角嘅噴泡距離加長。
- 紅戒指：該關弄破空泡泡可得100分。
- 紫戒指：該關跳躍一次可得500分。
- 藍戒指：該關行路會一直加分，搭配快鞋效果更好。
- 時鐘：所有敵人及其射出嘅攻擊物唔動（但若主角唔小心接觸敵人仍然會死）。
- 藍十字：水浸：用水淹死所有敵人。
- 黃十字：打雷：用雷打死所有敵人。較水浸慢，有時甚至會唔能夠全數消滅敵人。
- 紅十字：噴火：玩家會喺該關內由吐泡泡變成噴火殺敵。
- 拐杖：全數消滅敵人後，所有氣泡會變成700分一個嘅食物，仲有一個一萬至三萬分嘅大食物喺該關中間出現。
- 寶箱：全數消滅敵人後，所有氣泡會變成700分一個嘅鑽石，仲有一個四萬至八萬分嘅大鑽石喺該關中間出現。
- 紫神燈：即時全數消滅敵人，變成嘅食物9000分一個。
- 黃神燈：3種糖果嘅效果。
- 藍神燈：3種戒指嘅效果。
- 紅神燈：3種糖果加3種戒指嘅效果。
- 炸彈：爆炸：即時全數消滅敵人，變成嘅食物（鑽石）10000分一個。
- 字典／聖經／死亡之書：地震：即時全數消滅敵人。
- 星皇冠：落下流星打死敵人。
- 紅心：所有敵人均靜止唔動，主角變成無敵狀態，直接接觸敵人即可將敵人消滅。
- 粉紅藥水瓶：所有敵人均消失，畫面出現花朵，而且有倒數計時，主角每食掉一朵花即可得500分；若喺時間內食完所有嘅花朵，可再得Bonus分數。
- 橙色藥水瓶：所有敵人都消失，畫面出現向日葵，而且有倒數計時，主角每食掉一朵花即可得到500分；若喺時間內食完所有嘅花朵，可再得到Bonus分數。
- 銀珍珠項鍊：出現一顆隨機反彈嘅雷球，接觸到嘅敵人即消滅。
- 紅珍珠項鍊：EXTEND泡泡連續出現10顆。
- 水晶球：各關卡嘅食物同道具即刻出現（死亡效果仍然存在，直到生命數為零）。
- 鈴噹：關卡若有攻擊型道具就會發出閃光。
- 黃雨傘：直接跳躍3個關卡。
- 紅雨傘：直接跳躍5個關卡。
- 紫雨傘：直接跳躍7個關卡。
- 銀之門：通往密室嘅門，必須一命通關到20、30、40關就會出現嘅特殊道具。
- 金之門：一命通關到50關就會出現嘅特殊道具，可以直接跳躍20個關卡。
- 金色骷髏：會出現彗星落下，緊接「hurry up !」警告字句，等於係召喚白色鯊魚嘅道具（白色鯊魚登場30次就會出現該道具）。
- 蠟筆：連續三關都會出現花瓶。
- 超級球：特殊泡泡以1/4096極低嘅機率喺通氣孔出現，連續六關都會出現十字架。
參考
[編輯]- ↑ Bubble Symphony，The International Arcade Museum
- ↑ Bubble Symphony，MobyGames