港獨派
港獨派 Hong Kong pro-independence camp | |
.svg) | |
| 創立 | 20世紀 |
| 意識形態 | 香港本土主義 香港獨立運動 自由主義 文化保守主義 反極權 香港民族主義 |
港獨派（英文：Hong Kong pro-independence camp），或者叫獨派，係香港嘅一個政治派別，主張香港獨立，並視香港人為獨立嘅「香港民族」族群。
港獨派喺20世紀已經開始存在，當時有部分香港商人[1]（例如馬文輝）提倡香港獨立，效忠香港，而唔係依賴中國或者英國。到2016年，港獨派再次受公眾關注，包括香港民族黨嘅成立。仲有，本土民主前線嘅梁天琦因為主張獨立而被政府禁止參選，青年新政嘅立法會議員亦都因為展示獨立標語而被取消資格做議員。
歷史
[編輯]20世紀
[編輯]第二次世界大戰爆發之前，部分香港華人嘅精英階層唔希望同中國本土嘅華人被睇埋一齊，所以佢哋曾經促使港督楊慕琦響應十四點和平原則，推動關係到民族自決嘅本土政府計劃，但係因為二戰發生而暫時停頓咗。二戰完咗之後，跟住嘅國共內戰令大量難民去香港逃難。喺有一段時間入面，香港警察愈趨腐敗，貪污嘅風氣逐漸盛行，甚至出現警黑勾結嘅情況。喺人口急升嘅情形之下，香港平民嘅生活質素嚴重下降，但係港英政府卻維持一貫由佢嘅做法，所有民眾嘅需求當睇唔到，净係圍住啲有錢有權貴嘅華人。
當時民眾之間有唔同抵觸政府嘅諗法，有部分人開始支持共產黨，亦有部分人主張用民主制度嚟討論同解決社會問題。由於亞洲區嘅冷戰背景嘅緣故，英國開始擔心香港會有内部反英嘅聲音，而港督葛量洪亦都因爲咁而擱置咗民主普選嘅計劃，令主張民主化嘅精英階層都開始唔妥港英政府。社運人士馬文輝認為，就算香港人認同自己係中國人，都唔會受國民黨同共產黨嘅政府接受，所以香港人應該效忠自己同香港，先至係解決問題嘅方法。佢冇加入國共兩黨，亦冇參與港英政府，而係選擇成立“香港民主自治黨”同埋“聯合國香港協會”兩個組織，主張以和平手段嚟追求民主、自治、獨立。[1]
|
|
|---|
| 呢篇文係香港政治系列之一 |
|
憲制文件
|
|
|
|
|
其他香港系列
|
|
類:國政 • Portal:政治 |
六七暴動後，英國發現香港平民普遍都係反對共產主義，同港府企喺同一陣線，而政府亦開始有效咁施政嚟改善民生，包括推動香港本土化運動嘅發展。因為英國有處理愛爾蘭問題嘅失敗經驗（見北愛問題），本身係蘇格蘭人嘅麥理浩認為香港人唔會，亦都唔應該，長遠咁效忠英國。所以佢覺得，去培養香港人對自己同埋香港嘅自豪感同歸屬感，先至係解決問題嘅方法。
後嚟，中國共產黨透過：喺聯合國剔除香港出殖民地列表、對香港嘅華人學生統戰、喺香港開地下黨、同周慶峻搶閘嚟做宣傳等等嘅手段，令自己有一日能夠管治香港。大陸政府認為香港人一定要擁護中國，拉近兩邊之間嘅距離，令香港同中國大陸更加融合。1997年香港主權移交之後，中國政府推動中港融合化，同時主張香港人“愛國”嘅重要性。雖然北京有表明願意對香港進行民主化，不過始終仍然主張一定要有“愛國愛港”嘅大前題，所以實際上令真正嘅民主難以實現。
有報導指，近年嚟嘅中國大陸移民對香港社會欠缺共同感、大陸同香港距離太近、政治買辦政府、同埋議會脫離香港群眾等，呢啲問題都陸續浮現。[2]
21世紀
[編輯]2013年，招顯聰、張漢賢和雷晨喺社交網站創立“香港人優先”同埋“香港人主場”兩個組織，並擔任發言人。呢兩個組織早期主要喺示威場合度展示港英旗嚟表達對政府嘅唔滿，但係並冇主張香港獨立[3]。
2014年2月，香港大學學生會刊物《學苑》以「香港民族，命運自決」作為封面，發表一系列探討香港人命運嘅文章。呢份刊物喺2015年1月被梁振英列入施政報告入面，批評佢為港獨派思想嘅起源[4]。
2014年9月，香港大學學生會刊物編輯委員會出版《香港民族論》，提出基於想像共同體同埋公民民族主義，香港民族應該有權自決前途[4]。
2016年3月28日，香港民族黨成立，召集人係陳浩天，發言人係宋超然，主張香港脫離中華人民共和國，並建立獨立嘅主權國家，叫“香港共和國”。呢個黨嘅政綱並唔排除任何手段，無論係議會、參選、社會運動、公民抗命、武力、軍事等等，嚟實現港獨嘅夢想。冇耐之後，本土民主前線亦表明支持香港獨立，而新成立嘅青年新政主張「香港民族，前途自決」，發言人梁頌恆和召集人游蕙禎都表明佢哋個人支持香港獨立[5]。
2016年6月26日，招顯聰成立咗“香港歸英獨立聯盟”嘅組織，佢開舉行記者會嘅時候，宣佈計劃參選2016年立法會選舉，話提出英國暫時咁喺香港恢復主權做過渡期，先歸英後獨立。佢同時尋求香港人嘅捐款，亦有宣佈香港嘅本土派係敵人。招顯聰喺舉行記者會之後第二日就離開咗組織[6]。
2016年8月初，陳國強[7]、鍾銘麟相繼表明支持香港獨立。[8]
2016年8月5日，香港民族黨舉辦「香港史上第一個獨派集會」，以「捍衛民主，香港獨立」為主題[9]。
2016年8月16日，梁衍華大律師出版《香港獨立論》，呢本書以學術嘅角度去分析香港主權獨立及相關事項，包括探討香港係否有異於華夏嘅歷史觀；文化篇亦有探討粵漢文化嘅分別、指出香港文化因爲有粵英混合嘅特點而同大陸嘅文化有所唔同。[10]
2016年11月，香港民族黨嘅陳浩天和宋超然被邀請去日本東京出席南蒙古大呼拉爾嘅成立儀式同埋進行學術研究[11]。
2019年10月4日，反修例運動期間，有示威者喺香港唔同地方宣讀香港臨時政府宣言，而網絡上面亦有人發起組建香港臨時政府運動，不過幾日之後就冇咗下文[13]。
2020年7月1日，香港國安法實施，喺香港主張港獨成爲咗非法行為[14]。
組織
[編輯]- 勇武前綫（原本叫做“獨立陣線”）
調理農務蘭花系
我是香港人連線：亦都叫做香港獨立運動，在2004年註冊網站開始宣傳香港獨立建國的信息[15]，香港李登輝之友會盟友。- 本土民主前線（領導層梁天琦坐監，黃台仰和李東昇去德國接受政治庇護）
- 青年新政
- 東九龍社區關注組
- 香港效益主義黨：主張效益主義，認為香港獨立符合效益。
- 屠龍小隊：激進武鬥派的勇武組織
- Black Blog小隊：激進地下勇武組織，曾經公開咁為2022年屯元天大停電事件承認責任。
- 光城者：香港革命組織，在2020年初開始出現，並且在網上平台表示是由反送中運動之後的革命餘火所組成的組織。
- 集英揚武堂：香港地下的武裝組織，在2020年起籌備「香港武獨黨」同埋組建香港的自衛軍。他以組織香港地下武裝力量來進行反政府活動，并且支援香港獨立，以武裝手段推翻“港共傀儡政府”同埋中國共產黨為組織目標。
- 已解散
- 已被取締
- 香港民族黨：透過學術交流宣揚反中共政權殖民信息的政黨
相關人物：
睇埋
[編輯]攷
[編輯]- ↑ 1.0 1.1 馬文輝 (1990)。《民主論壇》。原先內容歸檔喺2020-10-24。喺2020-10-24搵到。
- ↑ 〈陳小春撐粵語 強國網友玻璃心「消滅港獨」〉。《自由時報》。2017-02-07。原先內容歸檔喺2020-10-24。喺2017-07-17搵到。
- ↑ 〈港青年闖入軍營罪名成立被判緩刑入獄〉。《BBC中文網》。2014-06-19。原先內容歸檔喺2020-10-19。喺2020-10-19搵到。
- ↑ 4.0 4.1 諸夏文化傳播協會 (2017-10-21)。〈香港民族，命運自決. 香港大學學生會學苑雜誌《香港民族論》〉。《端傳媒》。原先內容歸檔喺2019-11-21。喺2020-10-19搵到。
- ↑ 〈香港民族，命運自決. 香港大學學生會學苑雜誌《香港民族論》〉。《BBC中文網》。2016-03-28。原先內容歸檔喺2016-04-17。喺2020-10-19搵到。
- ↑ 〈招顯聰昨稱組「香港歸英獨立聯盟」 擬5區選立會 聯盟指招今天離開組織〉。《立場新聞》。2016-06-27。原先內容歸檔喺2019-08-17。喺2020-10-19搵到。
- ↑ 潘希橋 (2018-01-30)。〈選舉主任要求定義香港獨立 陳國強覆信咁樣「兜」〉。《香港01》。
{{cite web}}: CS1 maint: url-status (link) - ↑ 〈主張港獨 又一候選人遭取消立法會議員參選資格〉。《自由時報》。2016-08-01。
{{cite web}}: CS1 maint: url-status (link) - ↑ 〈民族黨港獨集會 稱逾萬人出席 梁天琦：奪回香港主權，革命必流血，勿跟政府講仁義道德〉。《立場新聞》。2016-08-05。原先內容歸檔喺2016-08-08。
- ↑ 曾焯文 (2016-10-08)。〈本土香港歷史科〉。《立場新聞》。原著喺2016-10-24歸檔。喺2023-11-09搵到。
- ↑ 〈【港獨爭議】陳浩天赴東京晤內蒙維權領袖 借鏡民族獨立經驗〉。《明報》。2016-11-11。原先內容歸檔喺2020-10-19。喺2020-10-19搵到。
- ↑ 鄭秋玲 (2018-07-17)。〈保安局︰回歸後首引用社團條例權力 基於國家安全擬禁民族黨運作〉。《香港01》。原先內容歸檔喺2020-08-26。喺2020-10-19搵到。
- ↑ 〈香港上千民眾聚集宣讀《香港臨時政府宣言》〉。《大紀元時報》 (繁體中文)。2019-10-05。原先內容歸檔喺2020-08-10。喺2019-10-05搵到。
- ↑ 〈香港政府：宣揚「港獨」意識的行為違反《香港國安法》〉。《三立新聞網》。2020-09-07。原先內容歸檔喺2020-10-12。喺2020-10-19搵到。
- ↑ 〈「港獨」網頁遭中國砲轟〉。《蘋果日報》。2005-02-07。原先內容歸檔喺2016-06-01。喺2020-10-24搵到。