瓜分波蘭

波蘭被瓜分嘅過程。俄羅斯、奧地利同埋普魯士瓜分到嘅領土分別以紅、綠同埋藍色代表

瓜分波蘭係18世紀尾波蘭立陶宛聯邦分三次俾俄羅斯、奧地利同埋普魯士吞併領土嘅行動。

第一次瓜分波蘭係喺1772年8月5號，第二次瓜分波蘭係喺1793年1月23號（奧地利冇參與），第三次瓜分波蘭係喺1795年10月24號。最終波蘭立陶宛聯邦被消滅，波蘭同立陶宛冇咗主權成123年，到1918年第一次世界大戰完嗰年至相繼獨立。