聖保羅男女中學

聖保羅男女中學（St Paul's Co-educational College，簡稱SPCC）係由香港聖公會創辦嘅男女英文中學，喺香港中環麥當勞道33號。

聖保羅男女中學喺1915年創立（當時叫做聖保羅女書院）。早期只收女仔，1918年成為香港第一間規定學生必須着校服嘅學校，1945年戰後復課，兼收男女學生，係香港首間男女同校學校。2001年向政府申請成為直接資助學校，成為首間直資中學。

校舍面積 5450 平方米，現有學生超過 1200 人，現任校長係潘紹慈。

學校喺附近歌老打路另設有學校專用室內游泳池，畀校內中學生上運動游水堂用，亦開放畀會員同埋舊生用。

學校喺學術成績、音樂、體育方面成就非凡。聖保羅男女同學好重視學生喺多方面發展，學校有不同領域嘅音樂團隊，亦都會定期舉行國際體育工作坊（International Sports Workshop）^[1]。

舊生