華師站
| 華師 South China Normal University | |
| |
| 華師站嘅站名 | |
| 概覽 | |
|---|---|
| 冧巴 | 314 |
| 位置 | 天河區天河北路同五山路嘅T字路口、天科路嘅十字路口交界 |
| 座標 | 23°8′34.74″N 113°20′22.96″E / 23.1429833°N 113.3397111°E |
| 車站色 | |
| 經過路線 | 3 |
| 啟站 | 2006年12月30號 |
| 月台數 | 1 |
| 站口數 | 4 |
| 營運資訊 | |
| 車站服務時間 | 06:15～23:34 |
| 列車服務時間 | 06:10～23:39 |
| 廣州地鐵3號綫 天河客運站 ◄五山 （1.6km） （900m）崗頂► 海傍 | |
華師站（粵拼：waa4 si1 zaam6；英文：South China Normal University Station），規劃嗌過天河北路站（tin1 ho4 bak1 lou6 zaam6；Tianhe Beilu Station），係廣州地鐵3號綫嘅車站，2006年12月30號開通，位置喺天河區天科路同五山路嘅T字路口交界，隔籬冇幾遠就係華師附中西門同華南師範大學。
結構
[編輯]樓層
[編輯]呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係3號綫嘅月台。同大多數嘅3號綫車站一樣，既冇廁所又冇休息室響度。
打掂
[編輯]| 地面 | 街道地區 | 出入口 |
| 地下 １樓 |
大堂 | 站廳、售票機、航班資訊、客服中心 |
| 地下 ２樓 |
2月台 | ← 3號綫列車去五山站 （行天河客運站嗰邊） |
| 1月台 | 3號綫列車去崗頂站 （行海傍嗰邊） → | |
打橫
[編輯] |
 |
 |
站廳
[編輯]華師站嘅收費區喺站廳嘅中間偏東嘅位，而西邊係人行通道，而車站嘅商舖方面，都喺嗮車站嘅南北兩邊嘅免費區入面，而自助服務喺嗮車站嘅南北兩邊同西邊嘅免費通道入面。而收費區有好多部扶手電梯同樓梯、專用𨋢往返月台都得。
月台
[編輯]呢個站有一個島式月台，喺天河區天科路同五山路嘅T字路口交界東邊冇幾遠（師大後門巴士站嗰度）嘅地底。
商舖同自助服務
[編輯]而家嘅華師站入面有便利檔、洗衫檔、書店、麵包糕餅舖同涼茶舖等呢啲鋪頭畀乘客買嘢、食嘢同洗衫、睇書都得。
另外，華師站入面重有自助服務設施畀乘客用，包括咗自動櫃員機、自動販賣機、自動影相機同羊城通充值機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。
|
|
出入口
[編輯]| 華師站冚唪唥嘅出入口 | ||||||
|---|---|---|---|---|---|---|
|
呢個站夾埋有4個出入口，分別係B、C、D，E。
| 冧巴 | 標記 | 方位 | 去到邊度 |
|---|---|---|---|
| 出入口A | 未開通 | ||
出入口B   |
天河北路 | 天河北路、天科路、信源大廈 | |
出入口C  |
天科路 | 天科路、五山路、廣州市團校、廣州市第113中學、廣州市醫保局天河分局、五山路口公交站 | |
| 出入口D | 五山路 | 五山路、華南師範大學、天河科技園巴士站 | |
| 出入口E | 五山路 | 五山路、天河北路、翰景路、華南師範大學、師大後門巴士站 | |
| 註： 有盲人引導徑 | 有斜道 | 有輪椅升降臺
| |||
頭尾班車信息同配線圖
[編輯]| 配線圖 | |||||
|---|---|---|---|---|---|
|
█ 3號綫 | |||||
|
|||||
|
|||||
|
|||||
|
|||||
|
|||||
|
▼五山站 | |||||
.svg){kind=small}
.svg){kind=small}
| 行去邊頭 | 頭班車 | 尾班車 | |||||
|---|---|---|---|---|---|---|---|
| 每日 | |||||||
| 3號綫 | |||||||
| 天河客運站 | 06:25 | 23:25 | |||||
| 海傍站 | 06:15 | 23:15 | |||||
| 注意： 喺晚黑最後一班車開走之前嗰５分鐘之內係唔 畀入閘坐車（包括埋買車飛）。 | |||||||
車站歷史
[編輯]3號綫
[編輯]規劃
[編輯]喺2000年嘅近期線網規劃實施調整方案入面，由於嗰時話要開發石牌村嘅地區先至喺而家呢個站整咗個3號綫支線嘅車站。喺嗰時，規劃方案話佢做天河北站，後嚟徵求過市民意見同考察過附近啲地名先至正式改名做華師站。至於點解改成呢個名，係因為離車站冇幾遠就係華南師範大學同華師附中。
施工
[編輯]喺2002年4月27號，呢個站正式開始逳手起，附近嘅五山路話要畀3號綫順利完成施工，先至將條路封咗，一直到2004年4月26號為止。而車站喺2004年4月初起好嗮。
開通
[編輯]雖然話3號綫嘅首通段喺2005年12月26號開通咗，但係呢個站重未開放。不過喺2006年12月30號嘅3號綫全線通車之後，呢個站正式開放。
11號綫
[編輯]規劃
[編輯]喺2003年嘅地鐵線網規劃入面話嗰時嘅14號綫（唔係而家嘅14號綫），行天河北路，甚至重會停呢個站嚟做同3號綫嘅轉車車站。不過喺2008年嘅規劃方案入面話變咗後嚟新出嘅8號綫環綫（唔好同而家嘅8號綫搞亂），但佢重係經呢個站。喺2010年，呢條所謂嘅「環綫」最後變成而家嘅11號綫，不過轉車嘅車站方面，重係一直冇變過。
施工
[編輯]2018年8月22號深夜，車站正式開始施工[1]。期間地鐵方率先將成條天科路封咗，亦改埋天河北到五山路口同天科路到五山路等部份路口啲交通，重撤銷埋五山路口巴士站。
10號綫
[編輯]唔再係3號綫嘅車站？
[編輯]聽話2020——2040年嘅地鐵線網規劃嘅公眾諮詢方案入面講，其中一道就話呢條綫以後唔係3號綫嘅支線喇。因為份嘢話天河客運站到體育西路嗰橛將會拆出去，畀10號綫嚟營運。
出入口
[編輯]呢個站喺開通初期，整咗B、C、D，E呢四個出入口嚟方便乘客出入站。但A出入口一直都未搞，係因為要向信源大廈借地搞施工，但信源大廈方話會破壞佢哋嘅地下機房位同埋屎渠而冇搞到。直到2010年12月天河北路近天科路口發生車禍及2011年因為1號綫爆出破壞一站一色嘅醜聞之後，亦順便提出咗點解呢個站嘅A出入口一直都未喐手嘅問題。之後天河區人大代表同政協委員猛咁同佢傾咗好多輪，傾到2012年7月先至搞掂施工嘅技術難題，亦將會配合地鐵公司嘅出入口施工[2]。
2014年8月，地鐵方亦開始向A出入口搞招標工作，直到2016年1月20號重喺度搞緊檢測招標[3]。
利用狀況
[編輯]由於呢個站冇幾遠就係華南師範大學同佢嘅附屬中學，同埋間暨南大學同佢嘅附屬中學響度；週邊重有好多住宅同寫字樓響度。尤其係華南師範大學同佢嘅附中大部份啲學生仔，甚至有一小部分暨南大學同佢嘅附屬中學啲學生仔都會嚟呢個站轉地鐵去到市區入面；加上附近有好多住喺呢度附近啲住宅嘅人或喺寫字樓做嘢啲市民成日都嚟呢個站上落，所以呢個站嘅客流方面都好多下。尤其係上落班高峰，呢個站重逼到爆咁滯。
為咗緩解落班高峰時期，崗頂到體育西路站冇幾遠嘅超多客流，車站入面嘅工作人員甚至重喺呢個站搞客流控制措施都有。
高峰客流控制
[編輯]呢個站嘅高峰客流控制時間係：
星期一到星期五（工作日期間）7：30——9：00、17：30——19：00
附近嘅建築同景區
[編輯]
寫字樓
[編輯]- 高科大廈
- 廣東國際科貿大廈
- 金山大廈
- 信源大廈
- 天河商貿大廈
- 瑞華大廈
政府部門
[編輯]- 廣東省農機所
- 廣東軟體行業協會
- 廣州市團校
- 廣州市人民政府智慧財產權局
商場
[編輯]- 東方之珠廣場
- 廣州軟體資訊廣場
- 華天國際廣場
樓盤
[編輯]- 金富苑
- 東誠社區
- 天華苑
- 園田居
- 天翔園
學校
[編輯]攷
[編輯]
- ↑ 〈地铁十一号线华师站22日起围蔽施工〉。《广州地铁》。2018-08-20。原著喺2018-08-25歸檔。喺2018-08-21搵到。
- ↑ 〈省邮政公司不肯借地 地铁华师站A出口6年没建成〉。《南方都市報》。乐居。2012-07-05。原著喺2020-03-28歸檔。喺2017-11-07搵到。
- ↑ 〈广州地铁又有新搞作，除了惊喜还是惊喜〉。《廣州正嘢》。搜狐。2016-07-01。
上一站·下一站
[編輯]| 上一站⇚⇚ 廣州地鐵 ⇛⇛下一站 | ||
| 五山站 天河客運站← |
華師站 3號綫 |
崗頂站 →海傍站 |
| 天河東站 逆時針← |
華師站 11號綫 |
華景路站 →順時針 |
| 提醒：11號綫喺度起緊。 | ||
| |||||
