蒿亞腍

蒿亞腍（粵拼：hou1 aa3 nam4；英文：Houyhnhnm）係英文奇幻小說《格列佛遊記》提到嘅一個種族。

故仔

内文：格列佛遊記

睇埋：也唬族

《格列佛遊記》最後嗰部（第四部）就係講蒿亞腍嘅。

由飛島國返咗英格蘭之後，林苗·加厘華過咗幾個月平靜嘅日子。

有一日，加厘華收到個柯化，有人想請佢做船長帶領一次出海。加厘華應承。不過喺加厘華架船航行途中班船員作反，將加厘華抌低喺一座怪島上面。怪島上住咗兩個種族—蒿亞腍同也唬hu2族。也唬族望落似人，但係就好野蠻冇乜智能可言；相比之下，蒿亞腍外形上望落似普通嘅馬，但就有高度嘅智能，有自己嘅語言同文化。喺座島上面，蒿亞腍扮演主人噉嘅角色，指揮也唬族做嘢。加厘華搵咗個蒿亞腍主人，舒服噉生活咗成三年咁耐，學識蒿亞腍嘅語言同埋佢哋嘅理性生活哲學。加厘華覺得自己精神上似蒿亞腍多過似也唬，好想蒿亞腍接納佢，但一眾蒿亞腍始終覺得佢係隻也唬—而且有一次，一隻發緊情嘅也唬乸想同加厘華交配，

「我都話咗，佢講到底都只不過係隻也唬！」

插畫：蒿亞腍（啲馬）統治座島，而也唬（人形嗰啲）就做奴僕。 插畫：蒿亞腍（啲馬）統治座島，而也唬（人形嗰啲）就做奴僕。

加厘華開始好討厭「自己係一隻也唬」呢個事實，亦愈嚟愈唔想返英格蘭。

「死都冇咁得人驚。就算我有命返到屋企又點？我唔可以忍受返去做也唬。」

到咗最後，一眾蒿亞腍裁定，加厘華係一隻也唬，唔可以同蒿亞腍家庭住埋一齊，決定要將加厘華逐出蒿亞腍群體。死死哋氣嘅加厘華唔想返去同也唬（人類）住，就整咗隻艇仔，諗住去搵個荒島度過餘生。不過最後佢畀一隻葡國嘅船隻救起咗，被帶返英格蘭。

故仔嘅結局係，加厘華返到屋企但性情大變，佢唔中意同「也唬」一齊住，於是就疏遠自己嘅屋企人同朋友，寧願搵馬嚟做伴。

拎

• 愛爾蘭
• 厭世