血腦屏障

血腦屏障（blood-brain barrier）係保護個腦嘅一浸屏障：脊椎動物嘅腦由一浸腦膜（meninges）包住，令到個腦唔會直接掂到個頭殼；腦膜上面有一啲細嘅窿，俾血管通過並且將帶氧嘅血傳俾腦嘅組織用，呢啲血管嘅壁嘅細胞之間封得好冚，形成咗血腦屏障，呢個屏障會阻擋好多毒素同病原體，等佢哋冇得傷害個腦。同時，血腦屏障有陣時又會阻住某啲藥或者抗體通過，搞到喺醫治腦病嗰陣，啲藥劑師好多時要大費周章先至可以令到啲藥生效。