Eufraat
| Eufraat | |
|---|---|
 | |
 Die stroomgebied van die Eufraat en Tigrisrivier. | |
| Oorsprong | Murat en Karasu |
| Monding | Tigrisrivier, Sjatt al-Arab, Persiese Golf |
| Stroomgebied | Turkye, Sirië, Irak |
| Lengte | 2 800 km (1 740 myl) |
| Oorspronghoogte | 3 520 m (11 549 voet) |
| Mondinghoogte | 4 m (16 voet) |
| Gemiddelde afloop | 356 m³/s (12 572 ft³/s) |
| Stroomgebiedopp. | 500 000 km² (193 051 myl²) |
Die Eufraat (Sumeries: 𒌓𒄒𒉣, Buranuna; Akkadies: 𒌓𒄒𒉣, Purattu; Arabies: الفرات, al-Furāt; Siries: ̇ܦܪܬ, Pǝrāt; Armeens: Եփրատ, Yeprat; Hebreeus: פרת, Perat; Turks: Fırat; Koerdies: Firat) is die westerse een van die twee groot riviere wat Mesopotamië begrens. Die ander een is die Tigrisrivier, wat oor die berge van Anatolië deur Irak vloei. (Trouens, die naam "Mesopotamië" is 'n Griekse vertaling uit die Ou-Persies Mîânrûdân, wat "die Land tussen die Riviere" beteken. Die Siriese naam vir die gebied is Beth Nahrain).
Die oorspronklike Sumeriese naam was idigna of idigina, wat vertaal kan word as "die vinnig vloeiende rivier, die rivier wat vloei", teenoor sy eweknie, die Eufraat, wat stadiger vloei sodat dit meer slik laat opbou en 'n hoër stroombed het as die Tigris. In Pahlavi beteken tigr "pyl" (in dieselfde taalfamilie as Ou-Persies tigra-, hedendaagse Persies têz, "skerp"). Dit is blykbaar nie die oorspronklike naam van die rivier nie, maar (soos die Semitiese vorme van die naam) 'n nabootsing van die inheemse Sumeriese naam.
Die Eufraat is ongeveer 2 736 km lank en ontspring in die Taurus-berge van Oos-Turkye en vloei meestal in 'n suidoostelike rigting totdat dit naby Al-Kurna in Suid-Irak by die Tigris aansluit. Die twee riviere vorm saam die Sjatt al-Arab-waterweg, wat in die Persiese Golf uitmond.
Baie sytakke sluit by die rivier aan, onder meer die Dijala en die Bo- sowel as die Onder-Zab-rivier.
Die Eufraat is al lank 'n belangrike vervoerroete in 'n land wat hoofsaaklik uit 'n woestyn bestaan.
Eksterne skakels
[wysig | wysig bron]
Wikimedia Commons het meer media in die kategorie Eufraat.- (en) "Euphrates River". Encyclopædia Britannica. Besoek op 13 April 2019.
