Natriummolibdaat
|
Algemeen | |
|---|---|
| Naam | Natriummolibdaat |
 |
 |
| Chemiese formule | Na2MoO4 |
| Molêre massa | 205,93 [g/mol][1] |
| CAS-nommer | 7631-95-0[1] |
| Voorkoms | kleurlose of wit vastestof[1] |
| Fasegedrag | |
| Fase | α-Na2MoO4 k.t. - 485 °C |
| Selkonstantes | 910,822(6)pm[2] |
| Ruimtegroep | Fd3m |
| Nommer | 227 |
| Strukturbericht | H1₁ |
| Fase | β-Na2MoO4 485-600 °C |
| Selkonstantes | a=1089,2pm; b= 1732,2pm; c= 717,6pm? |
| Ruimtegroep | P21n?[2] |
| Fase | γ-Na2MoO4 600-650 °C |
| Selkonstantes | a=644,95(7)pm; b=1277,4(1)pm; c=1082,6(1)pm [2] |
| Ruimtegroep | Fddd |
| Nommer | 70 |
| Strukturbericht | H1₇ |
| Fase | δ-Na2MoO4 >650 °C |
| Selkonstantes | a=588,99(8)pm; c= 747,5(1)pm[2] |
| Ruimtegroep | P63/mmc |
| Smeltpunt | 687 °C[1] |
| Kookpunt | |
| Digtheid | 3,78 [g/cm3][1] |
| Oplosbaarheid | 840 [g/L] @100 °C[1] |
|
Suur-basis eienskappe | |
| pKa | |
|
Veiligheid | |
| Flitspunt | |
| LD50 | 250 [mg/kg] (oraal; rot)[1] |
|
Tensy anders vermeld is alle data vir standaardtemperatuur en -druk toestande. | |
Portaal  Chemie
| |
Natriummolibdaat is 'n sout van natrium en molibdeensuur met die formule Na2MoO4.
Daar is ander fases as hierdie 1:1-fase in die Na2O-MoO3-stelsel wat ook natriummolibdate genoem kan word: Na2Mo3O10 (1:3), Na2Mo4O16 (1:5) en Na6Mo11O36 (3:11)[2]
Die stof word ook dikwels verhandel as sy dihidraat Na2MoO4·2H2O.
Kristalstrukture
[wysig | wysig bron]By kamertemperatuur kristalliseer natriummolibdaat in die kubiese spinel-struktuur, H11 in die strukturbericht-klassifikasie. Hierdie fase word die α-fase genoem. Die Mo-atome beset tetraëder-holtes en die natriumatome oktaëder-holtes in 'n suurstofrooster met kubiese digpakking.[2]
Teen hoër temperature gaan dit oor in 'n β, γ en δ-fase. Die struktuur van β-Na2MoO4 is nie goed bekend nie. Dit is moontlik monoklinies en verwant aan die ortorombiese γ-fase. Die γ-fase het die ortorombiese thénardiet-struktuur van natriumsulfaat Na2SO4-V (H17). In hierdie struktuur is die molibdeenatome steeds in tetraëders, maar die natriumatome is anders verdeel.[2]
Die δ-fase het groter wanorde van die MoO4-tetraëders. Hierdie struktuur is ook isostruktureel met 'n natriumsulfaat-struktuur: die hoëtemperatuur (I)-fase. In teenstelling tot natriumsulfaat word geen (II) en (III)-fases aangetref nie.[2]
Die Na6Mo11O36 (3:11)-molibdaat het 'n trikliniese struktuur wat aan die anataas-struktuur verwant is.[2]
Die dihidraat Na2MoO4·2H2O is ortorombies, met ruimtegroep Pbca (#61), selkonstantes a=846,3(3)pm, b=1055,2(3)pm, en c=1382,7(6)pm; Z=8. Die kristalle bestaan uit afwisselende lae MoO42−-tetraëders en watermolekules. Die lae is deur natriumkatione en waterstofbindings met mekaar verbind. Die MoO42−tetraëder is effens verleng in die rigting van die waterstofbindings.[3]
Chemiese eienskappe
[wysig | wysig bron]Natriummolibdaat kan verkry word deur molibdeen(VI)oksied in natriumhidroksied op te los teen 50-70 °C en die oplossing te filtreer. Die hidraat wat hieruit kistalliseer vorm die watervrye molibdaat deur dit teen 100 °C te verhit.[4]
Gebruike
[wysig | wysig bron]Dit word gebruik om pigmente mee te maak en as 'n korrosie-inhibeerder, badbymiddel vir afwerking van metale en 'n reagens vir alkaloïede en mikrovoedingstowwe.[1]
Natriummolibdaat word in 'n oplossing van swaelsuur as reagens gebruik in die toetsreaksie van Froehde op morfien. Hierdie reaksie behels waarskynlik die vorming van 'n organiese molibdaatester.[5]
Verwysings
[wysig | wysig bron]- ↑ 1,0 1,1 1,2 1,3 1,4 1,5 1,6 1,7 "Sodium molybdate". PubChem.
- ↑ 2,0 2,1 2,2 2,3 2,4 2,5 2,6 2,7 2,8 Bramnik, K.G.; Ehrenberg, H. (2004). "Study of the Na2O—MoO3 System. Na6Mo11O36 — a New Oxide with Anatase-related Structure, and the Crystal Structures of Na2MoO4". Z. anorg. allg. Chem. 630: 1336–1341. doi:10.1002/zaac.200400119.
{{cite journal}}: AS1-onderhoud: gebruik authors-parameter (link) - ↑ Kazuko Matsumoto, Akiko Kobayashi, Yukiyoshi Sasaki (1975). "The Crystal Structure of Sodium Molybdate Dihydrate, Na2MoO4·2H2O". Bulletin of the Chemical Society of Japan. 48 (3): 1009–1013. doi:10.1246/bcsj.48.1009.
{{cite journal}}: AS1-onderhoud: gebruik authors-parameter (link) - ↑ "Sodium molybdate". Ataman Kimya.
- ↑ Francisco Sánchez-Viesca, Gómez Reina (2022). "Insight into the mechanism of the Froehde test for morphine". Magna Scientia Advanced Research and Reviews. 06 (02): 001–004. doi:10.30574/msarr.2022.6.2.0071.
{{cite journal}}: AS1-onderhoud: gebruik authors-parameter (link)