Nirwana
| Nirwana | ||
| Vertalings | ||
| Sanskrit | निर्वाण (nirvāṇa) | |
| Pali | निब्बान (nibbāna) | |
| Bengaals | নির্বাণ | |
| Singalees | නිවන (Nivana) | |
| Tibettaans | མྱ་ངན་ལས་འདས་པ། (mya ngan las 'das pa) | |
| Thai | นิพพาน (nibbana) | |
| Viëtnamees | Niết bàn | |
| Khmer | និពាន្វ (nik pean) | |
| Tradisionele Sjinees | 涅槃 | |
| Pinyin | nièpán | |
| Mongools | γasalang-aca nögcigsen | |
| Japannees | 涅槃 (nehan) | |
| Koreaans | 열반 (yeolban) | |
| Afrikaans | Nirwana | |
| Boeddhisme |
|---|
 |
| Stigter |
| Siddhartha Gautama |
| Volgelinge |
| 488–535 miljoen |
| Geskiedenis |
| Geskiedenis van Boeddhisme • Kloosterlewe |
| Belangrike begrippe |
| Afhanklike ontstaan • Dharma • Drie Juwele • Drie kenmerke van die bestaan • Dukkha • Edel Agtvoudige Pad • Karma • Nirwana • Samsara • Verligting • Vier Edel Waarhede |
| Strominge |
| Mahayana • Suiwer Land • Theravada • Tibettaanse Boeddhisme • Vajrayana • Zen |
| Geskrifte |
| Boeddhavamsa • Pali-kanon • Lotussoetra |
Nirwana (Sanskrit: निर्वाण) of Nibbana (Pali:निब्बान) is ’n belangrike begrip in Boeddhisme en verwys na die hoogste vlak wat ’n mens kan bereik en waardeur heiligheid behaal kan word. Die letterlike betekenis is uitgedoof, onbeweeglik; eersgenoemde verwys na die einde van begeerte, afkeer en verwarring, wat die hoofdoel van Boeddhisme is. Benewens Boeddhisme ken ander Indiese gelowe ook ’n nirwana, dikwels met ’n verskillende betekenis.
Nibbana in die Theravada
[wysig | wysig bron]In die Theravada verwys die woord "Nibbana" na die verligting wat die Boeddha self bereik het en waarin hy sy studente onderrig. Iemand wat die Nibbana behaal het, kan nie meer die geestelike oorsake van lyding (verlangens en afkeer) ervaar nie omdat daar vir altyd ’n einde daaraan gemaak is.
Die "uitdowing" van verlangens, haat, onkunde en verwarring is volgens die leer van die verligte Boeddha ’n logiese resultaat van die ontwikkeling van die Agtvoudige Pad tot op die hoogste vlak. Iemand wat Nibbana behaal het, kan ook die Vier Edele Waarhede in al hul aspekte volledig begryp en toepas.
Nibbana en verligting
[wysig | wysig bron]Om "uitgedoof te wees" is in die Theravada een van die kenmerke van verligting (Pali: bodhi). Iemand wat werklik verlig is, weet wat die nibbana is en ervaar dit ook. Dit is die algehele bevryding van die samsara, waarin lyding en geboorte, siekte en dood ervaar word.
Iemand wat nirwana behaal het, word ’n boeddha genoem as hy dit self behaal het, sonder die hulp van ’n leraar. ’n Sotapanna (die laagste graad van heiligheid) het die dhamma gesien en het ’n voorsmaak van die Nibbana gehad. Hy is op pad na die Nibbana, maar het dit nog nie bereik nie. ’n Arahant (iemand wat die hoogste graad van heiligheid besit) het Nibbana (en verligting) bereik as ’n dissipel van ’n boeddha.
Verwysings
[wysig | wysig bron]
Hierdie artikel is vertaal uit die Nederlandse Wikipedia
Eksterne skakels
[wysig | wysig bron]- (en) Dharma-data: Nirwana
- (en) The Mind Like Fire Unbound Oor die gebruik van die woord "Nibbana" in die tyd van die Boeddha.
