Vlag van St. Vincent en die Grenadine

Vlag van St. Vincent en die Grenadine

Vlag van St. Vincent en die Grenadine
Gebruik	Nasionale vlag en vaandel
Verhouding	7:11
Goedgekeur	21 Oktober 1985
Ontwerp	Drie vertikale bane in blou, geel en groen met drie groen ruite in die middelste baan.

Die nasionale vlag van St. Vincent en die Grenadine is op 21 Oktober 1985 amptelik in gebruik geneem. Die vlag vertoon drie vertikale bane in blou, geel en groen (die geel baan is so wyd soos die blou en groen baan saam) met drie groen ruite in die middelste geel baan.

Ontwerp

Die verhouding van die drie bane is 1:2:1. Dit beteken dat die middelste geel baan ’n Kanadese paal vorm (dit is ’n vierkantige baan in die middel van ’n vertikale driebaanvlag.

Simboliek

Die drie ruite in die geel baan simboliseer die bynaam van die eilandnasie: Diamante van die Antille. Die V-vorm staan vir St. Vincent wat die grootste en belangrikste eiland van die land is. Die blou baan stel die lug voor, die geel baan stel die hartlikheid van die bevolking voor en die groen baan stel die plantegroei op die eilande voor.

Ander vlae

• 
  Vlag van St. Vincent en die Grenadine voor 27 Oktober 1975
• 
  Koloniale vlag van St. Vincent en die Grenadine, 27 Oktober 1975 tot 27 Oktober 1979
• 
  Vlag van St. Vincent en die Grenadine, 27 Oktober 1979 tot Maart 1985
• 
  Vlag van St. Vincent en die Grenadine, Maart 1985 tot 21 Oktober 1985
• 
  Vlag van Bequia
• 
  Vlag van die Goewerneur-generaal. Die woorde "St. Vincent & the Grenadines" verskyn in die lint

Geskiedenis

Op 27 Oktober 1979 het die land onafhanklik van die Verenigde Koninkryk geword. St. Vincent en die Grenadies het toe ’n vertikaal-gestreepte vlag, soortgelyk aan die huidige een, gebruik waarvan die geel baan wit fraaiings gehad het. In die middel van die geel baan was die landswapen. In 1985 het ’n nuwe regering die land oorgeneem wat die vlag wou verander. Dit was ook die gevoel van baie inwoners. Aanvanklik is die fraaiings van die geelbaan verwyder en aan die einde van die jaar is die wapen ook verwyder. Die huidige vlag is ontwerp deur ’n Switserse ontwerper.

Eksterne skakels

• (en) St. Vincent en die Grenadines by Flags of the World.
• (en) "Flag of Saint Vincent and the Grenadines". Encyclopædia Britannica. Besoek op 22 Mei 2019.

Hierdie artikel is in sy geheel of gedeeltelik vanuit die Nederlandse Wikipedia vertaal.