Vorarlberg

Vorarlberg
Landsvlag	Landswapen

(Besonderhede)	(Besonderhede)
Basiese gegewens
Ampstaal:	Duits
Hoofstad:	Bregenz
Oppervlakte:	2 601,12 km² (8ste)
Bevolking:	394 297 (8ste) (31 Januarie 2019)^[1]
Bevolkingsdigtheid:	151,6 inwoners / km² (2de)
Buitelanders:	17,7% (2019)^[2]
Volkslied (Landeshymne):	’s Ländle, meine Heimat
ISO 3166-2:	`AT-8`
Amptelike webwerf:	www.vorarlberg.at
Politiek
Eerste minister:	Markus Wallner (ÖVP) (sedert 7 Desember 2011)
Regerende partye:	ÖVP en Grüne
Setels in die parlement (Landtag) (36 setels) (2014: 36 setels):	ÖVP 17 (2014: 16) Die Grünen – Die grüne Alternative 7 (6) FPÖ 5 (9) SPÖ 4 (3) NEOS 3 (2)
Laaste verkiesing:	13 Oktober 2019
Volgende verkiesing:	2024
Parlementêre verteenwoordiging
Stemme in die Federale Raad (Bundesrat):	3
Kaart

Vorarlberg is die mees westelike en, ten opsigte van sy oppervlakte en bevolking, op een na ook die kleinste deelstaat van die Republiek Oostenryk. Bregenz is die hoofstad met 27 726 inwoners, terwyl Dornbirn met 'n bevolking van 45 520 die grootste nedersetting in die deelstaat is.

Die gebied van die huidige deelstaat het sy eie streeksidentiteit eers relatief laat en nie voor die 19de eeu ontwikkel nie.^[3] Die landsnaam (waarvan die klemtoon in Oostenryk gewoonlik op die tweede, in Duitsland dikwels ook op die eerste sillabe val) is afgelei van die vroeër strategies belangrike Arlberg-bergpas. Vanuit die perspektief van die ou ryk en die Huis van Habsburg se stamkasteel in die Switserse kanton Aargau is die gebied "voor" die bergpiek Arlberg geleë. Die naam Vorarlberg word sedert die middel van die 18de eeu gebruik.

In kulturele opsig verskil Vorarlberg merkbaar van die ander Oostenrykse deelstate. So word hier Hoogalemanniese dialekte (Vorarlbergs) gepraat wat, behalwe vir kleiner taaleilande in Tirool, nie elders in Oostenryk voorkom nie en nou verwant is aan Hoogalemanniese dialekte in die suide van Suidwes-Duitsland en Switserland. Dit weerspieël die vestiging van Alemanniese setlaars in die gebied, terwyl die meerderheid Oostenrykers in die deelstate oos van Vorarlberg nasate van Middeleeuse Beierse koloniste is en Beiers-Oostenrykse dialekte praat. Geografies maak Vorarlberg deel uit van die Ryn se dreineringsgebied, terwyl die res van die land – met klein uitsonderings – deur die Donau gedreineer word.

Administratiewe distrikte

Distrikte^[4]
Distrikte	Bevolking	Oppervlakte (km²)	Bevolkingsdigtheid
Distrik Dornbirn	80 438	172	468
Distrik Feldkirch	98 889	278	356
Distrik Bregenz	125 647	854	147
Distrik Bludenz	62 074	1 286	48
Vorarlberg	367 766	2 590	142

Verwysings

↑ (de) de.statista.com: Bevölkerung von Vorarlberg von 2009 bis 2019, besoek op 15 Januarie 2020
↑ (de) statistik.at: Bevölkerung zu Jahresbeginn seit 2002 nach zusammengefasster Staatsangehörigkeit – Vorarlberg, besoek op 15 Januarie 2020
↑ (de) Vorarlberg Chronik: Die Römer im Gebiet des heutigen Vorarlberg. Besoek op 28 Februarie 2017
↑ (de) Statistik van Vorarlberg

Eksterne skakels

Wikimedia Commons het meer media in die kategorie Vorarlberg.
(en) Toerisme-inligting oor Vorarlberg op Wikivoyage
(de) Amptelike webwerf
(de) Urlaub in Österreich Vorarlberg
(en) "Vorarlberg". Encyclopædia Britannica. Besoek op 31 Maart 2023.

Deelstate van Oostenryk
Burgenland \| Karintië \| Neder-Oostenryk \| Opper-Oostenryk \| Salzburg \| Stiermarke \| Tirol \| Vorarlberg \| Wene

[1] (de) de.statista.com: Bevölkerung von Vorarlberg von 2009 bis 2019, besoek op 15 Januarie 2020

[2] (de) statistik.at: Bevölkerung zu Jahresbeginn seit 2002 nach zusammengefasster Staatsangehörigkeit – Vorarlberg, besoek op 15 Januarie 2020

[3] (de) Vorarlberg Chronik: Die Römer im Gebiet des heutigen Vorarlberg. Besoek op 28 Februarie 2017

[4] (de) Statistik van Vorarlberg

[1]

[2]

[3]

[4]