Wikipedia:Duplikaatartikels

Duplikaatartikels is gewoonlik die skep van veelvuldige artikels wat almal dieselfde onderwerp behandel, hetsy doelbewus of onbedag. 'n Neutrale standpunt duplikaat kan ook doelbewus geskep word om die neutrale standpunt riglyne te omseil of om negatiewe of positiewe standpunte of feite daar te stel. Sodanige duplikate is ongewens op Wikipedia aangesien dit die bou van konsensus vermy en is daarom in stryd met een van die belangrikste beleidsriglyne.

Hoekom dit kan gebeur

Duplikate kan ontstaan as bydraers nie saamstem oor die inhoud van die artikel of bladsy nie. In plaas dat die geskil deur konsensus bygelê word, word 'n ander weergawe van die artikel (of ander artikel oor dieselfde onderwerp) geskep in lyn met 'n besondere standpunt. So 'n artikel is in stryd met Wikipedia se beleid. Die algemeen aanvaarde beleid is dat alle feite en belangrike sienings oor 'n sekere onderwerp in die artikel behandel moet word. Aangesien Wikipedia nie die skep van duplikate as 'n aanvaarde oplossing tot geskille tussen bydraers beskou nie, kan sulke duplikate genomineer word vir verwydering.

Aangesien die beslissing of 'n duplikaatartikel op grond van standpuntverskille geskep is aldan nie, opsigself ook 'n standpunt is, moet daar met omsigtigheid gewerk word met sulke duplikate. Die belangrikste is om die artikel op grond van neutrale standpuntvereistes te beoordeel. So kan daar verseker word dat 'n artikel altyd getitel en geskryf word vanuit 'n neutrale standpunt.

Duplikate wat per abuis geskep word

Wikipedia bydraers word daaraan herinner om 'n soektog te doen om te verseker dat daar nie reeds 'n artikel oor 'n onderwerp bestaan alvorens hulle 'n nuwe een skep nie. Daar is egter altyd die moontlikheid dat hulle sal vergeet om dit te doen of dat hulle 'n soektog sal doen en nie so 'n artikel vind of slegs 'n afgeleide artikel vind wat nie die hoofonderwerp bespreek nie.

Wikipedia se beginsel stel dat 'n mens goeie bedoelings moet aanneem en dit moet hier ook in gedagte gehou word. 'n Mens moet aan die persoon wat die duplikaatartikel geskep het die voordeel van die twyfel gee. Ongeag of die artikel doelbewus of per abuis geskep is sal die resultaat dieselfde wees: die inhoud moet versmelt word met dié van die hoofartikel.

Opsommende artikels

Soms as 'n artikel te lank word (sien Wikipedia:Artikelgrootte), kan 'n deel van die artikel 'n artikel in eie reg word en word die gedeelte van die onderwerp in die hoofartikel kortliks opgesom. Dit is 'n heeltemal geldige Wikipedia-prosedure en verteenwoordig nie 'n duplikaat nie. Die opsomming van die onderwerp moet egter steeds voldoen aan neutrale standpuntvereistes van Wikipedia. Dit is om te verseker dat materiaal nie doelbewus uit 'n artikel geskuif word om die hoofartikel in die guns van sekere standpunte te swaai nie.

Opsommende artikels met sub-artikels wat meer besonderhede verskaf, verteenwoordig nie duplikate nie, op voorwaarde dat al die sub-artikels en die opsomming aan die Neutrale standpuntvereistes voldoen. Die hoofdoel van opsommende en sub-artikels moet wees om leesbaarheid te verbeter en nie om enige standpunte en sienswyses te bevoordeel nie.

Watter een moet oorbly?

Daar is twee artikels wat moet versmelt word. Hoe besluit jy watter een moet bly, en watter een moet verander word in 'n aanstuurbladsy, of heeltemal geskrap word?

Situasie #1

Net een van die bladsye is aan Wikidata gekoppel.

Kopieer enige nuttige inhoud van die ongekoppelde bladsy na die gekoppelde bladsy
Verander die ongekoppelde bladsy na 'n aanstuurbladsy of skrap dit

Situasie #2

Beide bladsye is NIE aan Wikidata gekoppel nie.

Kies die bladsy met die meeste inhoud as die "meester bladsy"
Kopieer enige nuttige inhoud van die kleiner bladsy na die "meester bladsy"
Verander die kleiner bladsy na 'n aanstuurbladsy of skrap dit

Situasie #3

Beide bladsye is aan Wikidata gekoppel.

Los die wikidata-kwessie op. Gebruik https://www.wikidata.org/wiki/Special:MergeItems as dit nodig is om die items te versmelt
Kies die bladsy wat gekoppel is aan die "meester wikidata item"
Kopieer enige nuttige inhoud van die ander bladsy na die "meester bladsy"
Verander die ander bladsy na 'n aanstuurbladsy of skrap dit