ᚱ
raiðô (ᚱ) isch de erschlossni urgermanisch Name vo de r-Ruune. Er lutet uf Altnordisch reið, Altdänisch ᚱᛅᛁᚦᚢ reidu; Altenglisch rád und im Hrabanische Alphabet rehit und de gotisch Buechstabe "r" (𐍂) haisst reda. D Bidütig isch "Faart, Ritt, Wage".
D r-Ruune isch die füft Ruune i allne öberlifrete Ruunealphabet und die füft Ruune vom Freys ætt.
Luutwert
[ändere | Quälltäxt bearbeite]Die Ruune stoot i allne Ruunetraditione för de gmaingermanisch postdentali Vibrant (IPA /r/) und mues i de Uusproch underschide werde vo de Elch-Ruune, wo mindest i de nordische Tradition för de uvulari r-Luut (IPA /ʀ/) stoot.
Esotheerik
[ändere | Quälltäxt bearbeite]I de moderne Esotheerik bidütet d r-Ruune Raise, Biwegig, Verändrig, Voraachoo und Fortschritt. Im Ruuneyoga werd si bildet, wem mer en Arm siitlich i d Hüft stützt, de Ellboge geg use und de Fuess vode gliich Siite schräg geg use stellt, so ases vo vore wie die Ruune ussiet.
Unicode
[ändere | Quälltäxt bearbeite]| Unicode UTF-16 | U+16b1 |
| Unicode-Nôme | RUNIC LETTER RAIDO RAD REID R |
| HTML | ᚱ |
Büecher
[ändere | Quälltäxt bearbeite]Klaus Düwel: Runenkunde. Metzler Bd. 72; Stuggart 2001; ISBN 3-476-13072-X