Apollo
| Apollo | ||||||||||||
|---|---|---|---|---|---|---|---|---|---|---|---|---|
Apollo | ||||||||||||
| Systematik | ||||||||||||
| ||||||||||||
| Wüsseschaftlige Name | ||||||||||||
| Parnassius apollo | ||||||||||||
| (Linnaeus, 1758) |
De Apollo (Parnassius apollo) isch e groosse Summervogel wo i de Alpe haimisch isch. S gitt meriri lokaali Underaarte, wo e bitzeli andersch uusgsiend.
Verbraitig
[ändere | Quälltäxt bearbeite]De Apollo chunnt nume i de Alpe und i de Voralpe vor und isch bis uf 2000 müM z finde. Im Noorde goot sis Verbraitigspiet bis zu de Donau und de Schwööbische Alb. Er mag sunnigi Häng, felsigi Gegete und bivorzugt chalkigi Böde. Er suugt a de Blüete vo Tistle (Carduum sp.) und Gaisszötteli (Centaurea sp.).
Uussie
[ändere | Quälltäxt bearbeite]De Apollo isch e wiisse Summervogel, wo uf de Vorderflügel schwarzi Tupfe het. Uf de Hinderflügel het er rooti Tupfe mit eme schwarze Rand und eme wisse Fleck i de Mitti. Bi de Wiibli sind di hindere Flecke eener oraasch. De Körper isch grau. Sini Spannwiiti bitrait 70 bis 85 mm.
-
♀ -
♀△ -
♂ -
♂ △
Jooreszyklus
[ändere | Quälltäxt bearbeite]
Im Augste wered d Aier glait. E Tail vo de Raupe schlüüfft no im Herbst, de ander Tail schlüfft erst im Aprile. Si fressed nume wenn d Sune schiint und hocked de Rest vo de Zitt under Stai. Im Juni verstecked si sich under Stai und Mies und tüend sich verpuppe. De Falter schlüüfft i zwoo bis vier Wuche und flügt bis in September.
Raupe
[ändere | Quälltäxt bearbeite]D Raupe werd 50 mm lang und isch schwarz und het uf de Siite e Raie vo oraasche Tupfe und chorzi schwarzi Hoor. D Raupe isch uf d Wiissi Muurpfeffer (Sedum album) spezialsiert, mengisch fresst si au a de Huusroose (Sempervivum tectorum). Si fresst nume wenn d Sune schiint.
Lueg no
[ändere | Quälltäxt bearbeite]Literatur
[ändere | Quälltäxt bearbeite]- Günter Ebert, Erwin Rennwald (Hrsg.): Tagfalter I (Ritterfalter (Papilionidae), Weißlinge (Pieridae), Edelfalter (Nymphalidae)). In: Die Schmetterlinge Baden-Württembergs. Band 1, Ulmer Verlag, Stuttgart 1993, ISBN 3-8001-3451-9.
- Tom Tolman, Richard Lewington: Die Tagfalter Europas und Nordwestafrikas, Franckh-Kosmos Verlags-GmbH & Co, Stuttgart 1998, ISBN 3-440-07573-7.
- Hans-Josef Weidemann: Tagfalter: beobachten, bestimmen, Naturbuch-Verlag Augsburg 1995, ISBN 3-89440-115-X.
Weblink
[ändere | Quälltäxt bearbeite]
Commons: Roter Apollo – Sammlig vo Multimediadateie- www.lepiforum.de: Taxonomie und Fotos
- www.schmetterling-raupe.de
- funet.fi
- Moths and Butterflies of Europe and North Africa
- Naturkundliches Informationssystem: Parnassius apollo brittingeri
- Parnassius apollo in dr Rote Lischt vu dr gfehrdete Arten vu dr IUCN 2009. Yygstellt vu: Gimenez Dixon, 1996. Abgruefe am 1. Januar 2010
- Parnassius apollo bi Fauna Europaea