Katrin Schütz
| Dialäkt: Undermarkgreflerisch |
D Katrin Schütz (* 20. Meerz 1967 z Ettlinge) isch e dytschi Bolitikeri (CDU). Si isch vu 2006 bis 2016 Mitglid vum Landdag vu Bade-Wirttebärg gsii un vu April 2014 bis Juni 2016 Generalsekreteeri vu dr CDU Bade-Wirttebärg. Syter Mai 2016 isch si Staatssekreteeri im Wirtschaftsminischterium vu Bade-Wirttebärg.[1]
Lääbe, Uusbildig un Beruef
[ändere | Quälltäxt bearbeite]D Schütz isch as eltschs vu acht Gschwischtrig ufgwachse. Si het di mittler Ryfi gmacht un derno Dameschnyderi glehrt. Vu 1988 bis 1991 het si as Yychaiferi un Abdailigslaiteri gschafft un vu 1991 bis 2006 isch si Gschäftsfiereri vu dr Firma Sport Schütz z Charlsrue gsii. In ihrer Freizyt duet d Schütz Langstreckine laufe, si isch scho ne baar Mol bi Marathon un Halbmarathon mitglofe, unter anderem z Paris, z Berlin un z New York.
Si isch kadolisch un het zwee Sihn (* 1991 un 1994).
Bolitik
[ändere | Quälltäxt bearbeite]Anne 2005 isch d Schütz stellverdrättendi Chraisvorsitzeri vu dr Fraue-Union z Charlsrue wore un 2009 Bezirksvorsitzeri vu dr Fraue-Union Nordbade.[2] Im nämlige Johr isch si Mitglid vum Landesvorstand vu dr CDU Bade-Wirttebärg un Stellverdrättendi Landesvorsitzeri vu dr Fraue-Union Bade-Wirttebärg wore. Anne 2011 het si s CDU-Projäkt Frauen im Fokus[3] initiiert, wu s Zyyl het, mit Fraue z discpetiere un si fir d CDU z ginne.
Am 14. April 2014 isch d Schütz kummissarischi Generalsekreteeri vu dr CDU Bade-Wirttebärg wore, uf em 66. Landesbarteidag am 24. Jänner 2015 z Ulm isch si in däm Amt bstetigt wore.[4]
Bi dr Landdagswahl 2006 het si s Diräktmandat im Wahlkrais II Charlsrue gwunne un isch derno bis anne 2016 Mitglid vum Landdag gsii. Im Landdag isch si 2006 bis 2011 stellverdrättendi Vorsitzeri vum Uusschuss fir Wisseschaft, Forschig un Chunscht gsii un Mitglid im Uusschuss fir Finanze un Wirtschaft, derzue vu 2009 bis 2010 Mitglid vu dr Enquetekommission „Fit fürs Leben in der Wissensgesellschaft – berufliche Schulen, Aus- und Weiterbildung“ gsii. Vu 2011 bis 2016 isch si Vorsitzeri vum Uusschuss fir Integration un Mitglid vum Uusschuss fir Wisseschaft, Forschig un Chunscht un im Uusschuss fir Finanze un Wirtschaft, derzue 2012 bis 2014 au Mitglid im Untersuechigsuusschuss „Ankauf der EnBW-Anteile der Électricité de France (EdF) durch das Land Baden-Württemberg und seine Folgen (EnBW-Deal)“.
Sunschtig Engaschmänt
[ändere | Quälltäxt bearbeite]- ab 2001 Vorstandsmitglid vu dr Wirtschaftsjuniore Bade-Wirttebärg, 2002 bis 2003 as Vorsitzeri
- 2002 bis 2005 gschäftsfierend Bundesvorstandsmitglid vu dr Wirtschaftsjuniore Dytschland
- 2003 Initiatori vum „Stapfellauf vu Offeburg uf Berlin“ fir Reforme in dr Bolitik
- 2005 Jurymitglid vum Unternämewttbewärb „Erfolgsfaktor Familie“ vum Bundesminischteriu fir Familie un em Bundeswirtschaftsminischterium.
- 2006 bis 2016 Mitglid im Verwaltgsrot vum Badische Staatstheater
- 2006 bis 2016 Mitglid im Stiftigsrot vum ZKM Karlsruhe
- 2006 bis 2016 Mitglid vum Ufsichtsrot vu dr Karlshochschule International University
- 2006 bis 2016 stellverdrättendi Landesvorsitzeri im Kuratorium vu dr Landeszentrale für politische Bildung
- 2014 bis 2016 Mitglid im Verwaltigsrot vu dr evangelische Diakonissenanstalt Karlsruhe-Rüppurr
- 2015 bis 2018 Mitglid im Byrot vu dr L-Bank Bade-Wirttebärg
- Mitglid im Kuratorium vu dr Hochschule Karlsruhe für Technik und Wirtschaft
- Mitglid im Vorstand vum „Freundeskreises der Badischen Landesbibliothek“
- Senatorivu dr Junior Chamber International
- Mitglid im Kuratorium vum Naturkundemuseum Karlsruhe
- stellverdrättendi Vorsitzeri vum „Freundeskreis Naturschutzzentrum Karlsruhe - Rappenwörth e. V.“
- Mitglid im Färnsehrot vum ZDF
- Vorsitzeri vum Ufsichtsrot vu dr Staatliche Rhein-Neckar-Hafengesellschaft Mannheim mbH
- Mitglid im Ufsichtsrot vu dr Filmakademie Baden-Württemberg
- Mitglid im Ufsichtsrot vu dr MFG Medien- und Filmgesellschaft Baden-Württemberg mbH
- Mitglid im Verwaltigsrot vu dr Bundesagentur für Arbeit
- Vorsitzeri vum Denkmalrat Baden-Württemberg
- Vorsitzeri vum Kuratorium vu dr Denkmalstiftung Baden-Württemberg
Weblink
[ändere | Quälltäxt bearbeite]
Commons: Category: – Album mit Multimediadateie- Websyte vu dr Katrin Schütz
- Syte bim Landdaag Bade-Wirttebärg
- Uuszug us em Abgordnete-Handbuech vum Landtag vu Bade-Wirttebärg fir di 15. Wahlperiod
- Profilsyte bi dr CDU-Landdaagsfraktion
Fueßnote
[ändere | Quälltäxt bearbeite]- ↑ Katrin Schütz. (baden-wuerttemberg.de [abgerufen am 20. Januar 2018]).
- ↑ Iris Bruns-Riehl: Unser Bezirksvorstand. Archiviert vom Original am 21. Januar 2018; abgruefen am 20. Januar 2018 (de-DE).
- ↑ DIE WELT: CDU-internes Papier: Wirbel um "Frauen im Fokus". In: DIE WELT. 10. Januar 2013 (welt.de [abgerufen am 20. Januar 2018]).
- ↑ CDU Baden-Württemberg: Guido Wolf ist Spitzenkandidat für die Landtagswahl 2016. (Nicht mehr online verfügbar.) Archiviert vom Original am 21. Januar 2018; abgruefen am 20. Januar 2018.