Adverbios de negación en aragonés

Los adverbios de negación en aragonés se fan servir en esta luenga romance pa expresar una oposición a un feito u realidat.

No

L'adverbio de negación no deriva de lo latín NON. Ye l'adverbio de negación mes común en aragonés y fa part de la parella basica si - no.

A vegadas acompanya a adverbios temporals en frases con doble negación:

• No s'ha puesto veyer la montanya. (Valle de Tella)
• Nunca no la he vista.
• Dengún no lo sabe.

Puede tener emplegos propios de l'aragonés y diferents d'atras luengas d'arredol la ponderación:

• ¡Menudo batilazo que no ha caído!. (Viello Sobrarbe)
• ¡Menudo melindre que no está fecho!. (Viello Sobrarbe)

Pas

Como intensificador de l'adverbio no tenemos no pas, sobre tot en negacions categoricas. Pas provién d'o latín PASSU y coincidindo con las luengas galorromanicas y con lo piemontés. Eixemplos d'uso categorico son:

• ¡No pas yo!. (Viello Sobrarbe, valle de Tella)
• ¡Ah, no pas!. (Viello Sobrarbe)

En O Elsón y en l'actual despoblau d'a Penilla s'ha documentau un uso de pas como intensificador de l'afirmación, no pas, y si pas tamién, pero ye una excepción en lo conchunto de l'aragonés.

Tampoc(o)

L'adverbio tampoc(o) deriva de lo latín TAM PAUCU. Presenta una variant apocopada tampó. Ye un conector negativo contraposau a lo conector positivo tamién constituindo una parella de conectors aditivos. Puede ir en frases con doble negación con l'adverbio no:

• Tampoco no lo sé.

Bibliografía

• (es) SAROÏHANDY, Jean-Joseph, Misión lingüística en el Alto Aragón (compilazión de materials ineditos dende 1906); Xordica Editorial. Zaragoza, 2005. ISBN 84-96457-06-0.
• (es) BARCOS, Miguel Ánchel: El Aragonés Ansotano: estudio lingüístico de Ansó y Fago. Gara d'Edizions. Zaragoza, 2007.ISBN 978-84-8094-058-0
• (es) María Pilar Benítez: L'Ansotano. Estudio del habla del Valle de Ansó. Gobierno de Aragón, 2001.
• (an) Chusé Lera Alsina: Aplego. Diccionario de Resistencia y Gramática sobre lo cheso. Massanas gràfiques. 2004.
• (es) Chabier Lozano Sierra, Ángel Lois Saludas Bernad: Aspectos morfosintácticos del belsetán, 2005, Gara d'Edizions, pp 103–105.
• (es) Lozano, Ch.: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010.
• (es) Brian Mott: El Habla de Gistain. Instituto de Estudios Altoaragoneses, 1989.
• (es) Fernando Blas Gabarda, Fernando Romanos Hernando: Diccionario aragonés: chistabín-castellano (Val de Chistau). Colección Ainas. Gara d'Edizions, 2008.
• (es) Chabier Tomás Arias: El aragonés del Biello Sobrarbe. Instituto de Estudios Altoaragoneses, (1999).
• (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003.
• (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978.
• (es) Mascaray Sin, Bienvenido: Vocabulario del habla de Campo (Ribagorza, Huesca). Xordica Editorial, 2014.
• (es) María Luisa Arnal Purroy: El habla de la Baja Ribagorza Occidental. Institución Fernando el Católico, 1998.
• (es) Javier Terrado Pablo: La Lengua de Teruel a fines de la Edad Media. Instituto de Estudios Turolenses, 1991.