Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O New Shepard ye un codete suborbital de desapegue vertical y aterrizache vertical desembolicau por Blue Origin como sistema comercial pa o turismo espacial de tipo suborbital. O suyo nombre fa referencia a lo primer astronauta estausunidense en l'espacio, Alan Shepard.
O New Shepard se lanza verticalment dende lo ueste de Texas y dimpués realiza un vuelo motorizau mientres uns 110 segundos dica una altaria de 40 km. L'empento d'a nau la leva enta alto en vuelo sin motor a medida que o vehíclo desaccelera, plegando a una altaria d'arredol de 100 km, per alto d'a clamada linia de Kármán. Dimpués d'aconseguir l'apocheo, o vehíclo realiza la suya baxada y reenchega os suyos motors prencipals unas pocas decenas de segundos antis de l'aterrizache vertical, amán d'o suyo puesto de lanzamiento. A durada total d'o vuelo ye por un regular de 10 menutos.
A variant tripulada presenta un modulo de tripulación deseparau que se desepara amán de l'altaria maxima, y o modulo de propulsión realiza un aterrizache motorizau mientres o modulo de tripulación aterriza baixo paracaitas. Lo modulo de tripulación tamién puede deseparar-se en caso de mal funcionamiento d'o vehíclo u unatra emerchencia fendo servir propulsors de deseparación de propulsante soliu y realizar un aterrizache en paracaitas.
Estaus Unius
Datos: Q3339012
Multimedia: New Shepard / Q3339012