جييك
جييك (بالانجليزى: Geek) كلمة انجليزى دخيلة و عاميه، بيتقصد بها اكتر من معنى لوصف ناس أو واحد غريب ، عن النظام الطبيعى للمجتمع ، أو المهووس بحاجة أو موضوع معين. الاستخدام للكلمة دلوقتى بيتوصف به الواحد اللى مهتم و بيعترف كتير عن الكومبيوتر و التكنولوجيا أو تخصصات معينة زى العلوم و الرياضيات و اللى عنده نقص فى الذكاء الاجتماعى و مشاكل فى التعامل مع الناس العاديه اللى مش مهتمين باللى هو مهتم به.
الاستخدام
لفظ جييك مع الزمن اتغير استخدامه و ملوش معنى واحد ، دى شوية امثلة للى بينطبق عليهم الكلمة دى :
- الواحد اللى مهووس يدة و خصوصا الكمبيوتر و بيعرف يتعامل معها كويس زيادة عن بقية الناس.
- الواحد اللى مهووس بالرياضيات و العلوم بفروعها ( فيزيا ، احياء ، كيميا)
- الواحد اللى مهووس و مهتم زيادة بحاجة ( ممكن تكون علم أو فيلم أو مسلسل أو سلسة كتب ، الخ...)
- الواحد اللى منعزل عن مجتمعه و عايش على النت على طول
- الواحد اللى مدمن كوميكس و مهتم بكل تفصيل فيها زيادة
- الواحد اللى مهتم بحاجة جامد زيادة عن الحد الطبيعى للمجتمع اللى عايش فيه
- الواحد اللى معندوش اى نوع من الذكاء الاجتماعى و مش بيعرف يندمج مع الناس ف مهتم بحاجات محدش مهتم اوى بها.