جييك
| ||||
|---|---|---|---|---|
_28.JPG) | ||||
| موضه | ||||
تعديل  |
||||
جييك (بالانجليزى: Geek) كلمة انجليزى دخيلة و عاميه، بيتقصد بيها اكتر من معنى لوصف ناس او واحد غريب ، عن النظام الطبيعى للمجتمع ، او المهووس بحاجة او موضوع معين. الاستخدام للكلمة دلوقتى بيتوصف به الواحد اللى مهتم و بيعترف كتير عن الكومبيوتر و التكنولوجيا او تخصصات معينة زى العلوم و الرياضيات و اللى عنده نقص فى الذكاء الاجتماعى و مشاكل فى التعامل مع الناس العاديه اللى مش مهتمين باللى هو مهتم به.
الاستخدام
[تعديل]لفظ جييك مع الزمن اتغير استخدامه و ملوش معنى واحد ، دى شوية امثلة للى بينطبق عليهم الكلمة دى :
- الواحد اللى مهووس بالكمبيوتر و بيعرف يتعامل معها كويس زيادة عن بقية الناس.
- الواحد اللى مهووس بالرياضيات و العلوم بفروعها ( فيزيا ، احياء ، كيميا)
- الواحد اللى مهووس و مهتم زيادة بحاجة ( ممكن تكون علم او فيلم او مسلسل او سلسة كتب ، …)
- الواحد اللى منعزل عن مجتمعه و عايش على النت على طول
- الواحد اللى مدمن كوميكس و مهتم بكل تفصيل فيها زيادة
- الواحد اللى مهتم بحاجة جامد زيادة عن الحد الطبيعى للمجتمع اللى عايش فيه
- الواحد اللى معندوش اى نوع من الذكاء الاجتماعى و مش بيعرف يندمج مع الناس ف مهتم بحاجات محدش مهتم اوى بها.