الكرك (الاردن)
| ||||
|---|---|---|---|---|
| (بالعربى: الكرك) | ||||
 | ||||
| الاسم الاصلى | (بالعربى: الكرك) | |||
| البلد |  | |||
| المدينه التوأم | ||||
| الارض و السكان | ||||
| احداثيات | 31°11′04″N 35°42′18″E / 31.184444444444°N 35.705°E | |||
| المساحه | ||||
| الارتفاع عن مستوى البحر(م) | ||||
| التعداد السكانى | ||||
| الحكم | ||||
| التأسيس والسيادة | ||||
| تاريخ التأسيس | 1140 | |||
| بيانات تانيه | ||||
| الموقع الرسمى | الموقع الرسمى | |||
| ||||
تعديل مصدري - تعديل  | ||||
الكرك او كرك او كرك الشوبك ، مدينه دلوقتى تابعه للأردن فى محافظة الكرك فى وادى الكرك على بعد حوالى 16 كم شرق البحر الميت و 130 كم جنوب مدينة عمان. عدد سكانها حوالى 22 الف انسان. بنيت على سهل صغير ارتفاعه 950 متر فوق سطح البحر. وتعتبر مدينة " كير حارسه Kir-Heres " المذكوره فى كتاب العهد القديم اللى كانت عاصمه من عواصم مؤاب القديمه. الاسم العربى مأخوذ من اليونانية " كاراخ charax " و العبرى " كير kir " كما ذكر فى العهد القديم. المنطقه استقر فيها سكان و فى القرن التالت عرفها الجغرافى بطليموس باسم " كاراكموبا Characmoba ". سيطر عليها البيزنطيين وعين فيها اسقف ، و تظهر كمدينه ليها اسوار على خريطه موزاييك بيزنطيه اسمها " المأدبه Ma'daba " من القرن السادس و اللى تعتبر اقدم خريطه للاراضى المقدسه. اسم الكرك ظهر فى كتب مؤرخين الشرق فى القرن التلاتاشرالذين ذكروا ان الكرك كانت مكان فيه دير للرهبان المسيحيين مع مرور الزمن كبرت و سكن فيها مسيحيين فبنيت فيها بيوت و اسواق. وسميت ايضا كرك الشوبك لقربها من الشوبك. كانت قاعده من قواعد الشام السته المهمين ( دمشق ، حلب ، حماه ، طرابلس ، صفد ، الكرك ). من بداية العصر المسيحى لغاية سنه 1910 كان فيها مطرانيه.
احتلها الصليبيين بعد الحمله الصليبيه الأولى و بنو حولها سور و حصن اسموه " لى كرك دو ديزر Le krak du Desert " فى سنه 1142 كان يعتبر من أهم المعاقل و الحصون فى المنطقه و بقوا فيها لغاية ما انتصر عليهم صلاح الدين الأيوبى فى معركة حطين سنه 1187 فإستولى عليها اخوه العادل أبى بكر سنه 1188 فعينه صلاح الدين ملك عليها. وقت معركة حطين كان اميرها الصليبى رينالد دى شاتيون Raynald de Châtillon. فضلت الكرك فى ايد العادل لغاية وفاة صلاح الدين فعين العادل ابنه الملك المعظم عيسى ملك عليها و بعديه ملكها ابنه الملك الناصر صلاح الدين داود و بعده ابنه الملك المعظم عيسى و بعدين استولى عليها سلطان مصر الصالح نجم الدين ايوب فبقت نيابه تابعه للسلطنه الايوبيه فى مصر و عين عليها نايب هوه بدر الدين الصوابى ، و بعدين بقى نايبها الملك المغيث عمر بن العادل و فضل نايب عليها فى بدايات الدوله المملوكيه فى مصر لغاية ماقبض عليه الظاهر بيبرس و حبسه و مات فكان اخر أيوبى حكمها و بقت تابعه لملوك الديار المصريه و نيابه صغيره زى غزه بيتعين عليها نايب لسلطان مصر. الكرك فى العصر المملوكى كانت بتستخدم كمنفى ( زى فى حالة السلطان السعيد بركه قان ) و مكان لتدريب ولاد السلاطين على الفروسيه و ساعات كان بيلجأ ليها السلاطين لما يتنحو زى ما ماعمل الناصر محمد بن قلاوون و ابنه السلطان شهاب الدين احمد.
فى العصر الحديث فى اواخر القرن 19 و بداية القرن العشرين الكرك كانت مركز تمردات قبايل العربان ضد الاتراك العثمانليه. بعد تأسيس إمارة شرق الاردن سنه 1921 بعد الحرب العالميه الاولانيه كنتيجه ليهزيمة الأتراك بقت الكرك ضمن حدود الدوله الناشئه. دلوقتى المدينه سوق و مركز ادارى للمنطقه اللى حواليها. المدينه فيها غرفه تجاريه و مكتب للمحافظه و محاكم. سياحى و اثرى فيها أطلال حصن الكرك و بقايا كنايس بيزنطيه مهمه.
مصادر
[تعديل]- القلقشندى: صبح الأعشى فى صناعة الإنشا (15 جزء)، دار الفكر، بيروت.
- Encyclopædia Britannica, Micropædia,H.H. Berton Publisher,1973-1974
رمـضـان | ||
|---|---|---|
| شعائر رمضان |  | |
| الأدعية و الأعمال | ||
| الأعياد | ||
| أحداث إسلامية | وفيات رمضان • مواليد رمضان • إسلام السيدة خديجة • مولد الحسن بن على• وفاة السيدة فاطمة• استشهاد الإمام على• وفاة السيدة عائشة • وقعة الربض • تعيين خير الدين بارباروسا قائد للقوات البحرية العثمانية • ولاية السلطان الناصر محمد بن قلاوون • أفتتاح الجامع الأزهر للصلاة • دخول الخليفة المعز لدين الله القاهرة • تولى السلطان سيف الدين برقوق حكم مصر | |
| معارك | ||
| رمضان حول العالم | ||
| معالم رمضان | ||
