لادينيه
| ||||
|---|---|---|---|---|
| سيكولاريه ، وبناء اجتماعى ، ولاالوهيه | ||||
تعديل  |
||||
اللادينيه (انجليزى: irreligion) هو اتجاه فكرى فلسفى بيرفض الاعتراف بمرجعيه دينيه فى حياة الانسان و بيؤمن ان الانسان هو اللى بيحدد حياته و حاضره و مستقبله بافعاله و تصرفاته بدون وصايه من دين او الالتزام بشريعه دينيه معينه , و بتشوف ان النصوص الدينيه او الكتب المقدسه عباره عن نص بشرى مش مقدس ولا حاجه مع ان ممكن يكون فيه كلام مفيد للانسان. اللادينيين بيؤمنوا ببشريه الاديان بغض النظر عن الاقتناع بوجود إله واحد او الالهه خلقت الكون ولا لا. حسب كلام كتاب ثاقفه اللادينيه للروكو كابورالى و انطونيو جروميلى اللى اتطبع فى سنة 1971 " ان اللادينى هو الانسان اللى مش بيمتلك ايمان بوجود خالق الاعظم و فى نفس الوقت مش مقتنع بعدم وجود الخالق" يعنى ان اللادينيين بيتصنفوا فى النص ما بين المؤمنيين بالاديان و الملحديين, الادينيين ساعات بيتصنفوا على انهم ملحديين ضعاف.
انواع اللادينيه
[تعديل]
الادينيين ممكن يتصنفوا تلات اقسام اللى هما:
- دييزم (انجليزى: Deism): بتؤمن ان فيه خالق واحد للكون وان الموضوع دا ممكن الواحد يستنتجه بالعقل و مراقبه ودراسه العالم الطبيعى من غير ما يتبع دين. معظم الربوبيين بيرفضوا فكرة التدخلى الإلهى فى حياة الانسان زى المعجزات و الوحى
- الحاد (انجليزى: Atheism): عدم وجود إله او آلهة او اى حاجه بره قوانين الطبيعه
- لاادريه (انجليزى: Agnosticism): بتؤمن ببشرية الاديان و انها من صنع البشر مش من عند إله, بس مش بيتكلموا عن فكره وجود إله اصلا ولا لا, عشان حسب كلامهم مفيش ادله كتيره تقدر تنفى او بتئكد الموضوع بشكل واضح
اسباب اللادينيه
[تعديل]اسباب اللادينيه ممكن تختلف من واحد للتانى بس الاكتريه بتقول:
- ان بتوع الاديان بيستغلو الاديان عشان يسيطرو و يستغلو الناس التانيه و عشان يعملوا اللى هم عاوزينه تحت حجه ان دا كلام و اوامر الخالق
- ان مفيش دليل قاطع واضح على ان اى دين صح
- ان المعجزات بتعتبر حادثه او اشاعه ناس سمعتها وبترددها من غير ما يشوفوها و يتأكدوا منها
- ان فيه كلام فى الاديان عكس بعضه
- ان فيه اساطير كتيره متشابهه مع الكتب السماويه
