السياسه بتشرح القواعد و الشروط اللى لازم كل اللى بيضيف أو يعدل فى ويكيبيديا مصرى يتبعها, السياسات بتبقى رسميه بعد نقاش و اتفاق عليها و ممكن تتعدل أو تتلغى بنفس الطريقه. لو عايز تقترح تعديل, لو سمحت اقترحه فى صفحة المناقشه.
تحرير تضارب المصالح (COI) بيعنى المساهمه فى ويكيبيديا عن نفسك او عيلتك او اصحابك او عملائك او اللى بتشتغل عندهم او ليك معاهم علاقات ماليه و غيرها, ممكن لأى علاقه خارجيه تعمل تضارب فى المصالح, تضارب المصالح هوا وصف لموقف موش حكم على آراء شخص او نزاهته او حسن نيته, موش مسموح بتحرير تضارب المصالح على ويكيبيديا لانه بيهز ثقه الجمهور و بيخاطر بالتسبب فى احراج للافراد و الشركات اللى بيتم الترويج ليها.
موقف ويكيبيديا
الغرض من ويكيبيديا
ويكيبيديا كموسوعه مهمتها تزويد الجمهور بالمقالات اللى بتلخص المعرفه المقبوله و مكتوبه بشكل محايد و ليها مصادر موثوقه, القراء بيتوقعو يلاقو مقالات محايده مكتوبه بشكل مستقل موش صفحات الويب الخاصه بالشركات او الشخصيات او اعلان و ترويج ذاتى, لازم تحتوى المقالات بس على المواد اللى بتتوافق مع سياسات محتوى ويكيبيديا.
تحريرات تضارب المصالح
ويكيبيديا ما بتشجعش ابدا على تحرير مقالات فيها تضارب مصالح.
لو كان بتربطك مصلحه مع موضوع المقاله و عاوز تحررها تقدر تقترح التعديلات فى صفحة منقاشة الصفحه.
احترم المحررين التانين و خلى النقاش قصير.
المقالات المدفوعه
بيحصل تضارب مصالح مع محرر المقاله لما يكتب عن موضوع بتربطه بيه علاقه ماليه, زى انك تكون مالك او موظف او مقاول او مستثمر او صاحب مصلحه تانيه.
الدفع مقابل المساهمه فى ويكيبيديا هوا واحد من اشكال تضارب المصالح (COI) و المحرر المدفوع بيوقع فى تضارب بين اهداف صاحب العمل و اهداف ويكيبيديا.
مؤسسه ويكيميديا بتطلب الكشف عن كل عمليات التحرير المدفوعه, بالاضافه لداه السياسه العالميه بتتطلب (ان امكن) انه لازم توفير روابط على صفحه المستخدم الخاصه بيك لكل الحسابات النشطه على مواقع الويب البرانيه اللى من خلالها بتعمل اعلان على تحرير مدفوع, لو كنت بتاخد مقابل لمساهماتك فى ويكيبيديا فالسياسه على ويكيبيديا هيا:
لازم تكشف عن الجهه اللى بتدفع لك.
ويكيبيديا ما بتشجعش على تحرير المقالات المتأثره مباشره بالطريقه دى.
بدل ما تحرر تقدر تقترح تغييرات على صفحات المنقاشه.
سياسات ويكيبيديا
ارشادات ويكيبيديا