Alex Borstein

Alex Borstein
Vida
Nacimientu	Highland Park (es) , 15 de febreru de 1971 (53 años)
Nacionalidá	Estaos Xuníos
Familia
Casada con	Jackson Douglas (1999 – 2017)
Fíos/es	2
Estudios
Estudios	Universidá Estatal de San Francisco ; Chatsworth High School (en)
Llingües falaes	inglés
Oficiu	comedianta, guionista, cantante, actriz de televisión, actriz de cine, actriz de voz
Llugares de trabayu	Estaos Xuníos
Premios	ver Primetime Emmy a la mejor actriz de reparto - Serie de comedia (2018) : The Marvelous Mrs. Maisel; Primetime Emmy Award for Outstanding Character Voice-Over Performance (2018) : Family Guy; Primetime Emmy a la mejor actriz de reparto - Serie de comedia (2019) : The Marvelous Mrs. Maisel;
Miembru de	Writers Guild of America West (es)
Instrumentu musical	arpa; voz
Creencies
Relixón	xudaísmu
IMDb	nm0097504
	alexborstein.com

Alexandrea Borstein (15 de febreru de 1971, Highland Park ^(es) ), más conocida como Alex Borstein, ye una actriz d'Estaos Xuníos, famosa poles series televisives MADtv, Power Rangers: Zeo y Family Guy, onde pon voz a Lois Griffin, ente otros personaxes de la serie. Tamién ye una reconocida actriz de doblaxe.

Biografía

Borstein nació en Highlands Park (Illinois), pela rodiada de Chicago. Crióse nel senu d'una familia xudía con raigaños alemanes, húngares, polaques, mongoles y ruses. Darréu foise a San Francisco (California) onde estudió na Universidá de San Francisco.

Aprendió clases d'interpretación nel ACME Comedy Theater, onde empezó a escribir xunto al so compañeru y el so futuru home Jackson Douglas. Empezó a trabayar nes series animaes Casper y Pinky and the Brain, anque pocu dempués dexó'l so trabayu y empezó como escritora. En 1996 mientres taba escribiendo Casper Borstein trabayó na serie Power Rangers: Zeo interpretando a Queen Machina (unu de los dos antagonistes de la serie).

En 1997 formó parte del programa MADtv na tercer temporada, diéndose a metá de temporada. Quiciabes el so papel más conocíu nesta serie foi'l de Miss Swan. Mientres el so tiempu en MADtv conoció a Seth MacFarlane, que la introdució na FOX onde ye actriz de doblaxe en Family Guy, onde interpretó'l papel de Lois Griffin, ente otres voces. Nesta serie tamién foi productora y guionista de dellos capítulos.

En 2000 fíxose un buecu na repartu de Gilmore Girls, pa interpretar a Sookie St. James, pero'l so contratu con MADtv torgólu finalmente llevalo a cabu, anque participó en dellos capítulos de la serie. Alex Borstein tamién salió na gran pantalla en películes como Lizzie McGuire, tamién foi la meyor amiga de Halle Berry en Catwoman y foi una emplegada de la CBS nel filme Good Night, and Good Luck.

Vida personal

Ta casada con col actor y escritor Jackson Douglas. Los dos conocer en ACME. Él propúnxo-y matrimoniu mientres el rodaxe del programa, y casáronse en 1999. Dambos apaecieron en Gilmore Girls.

Filmografía

2012: Ted
2010: Killers
2009: Seth & Alex's Almost Live Comedy Show
2009: The Cleveland Show (Voz)
2007: Blue Harvest (Padre de Familia)
2007: The Lookout
2006: Pequeñu, pero matón
2005: Good Night, and Good Luck
2005: Stewie Griffin: la historia jamas contada, voz
2005: Kicking & screaming
2004: Catwoman
2004: Seeing other people
2003: Bad Santa
2003: Lizzie McGuire
2001: House of mouse (serie), voz
2000: Bar Coyote
1999-: Family Guy (serie), voz
1999-2002 MADtv (serie)
1996: Power Rangers: Zeo (serie)
1993-1994: Mighty Morphin Power Rangers (serie)

Referencies

↑ Afirmao en: Internet Movie Database. Identificador IMDb: nm0097504. Data de consulta: 10 xineru 2016. Llingua de la obra o nome: inglés.

Enllaces esternos

Páxina web oficial (n'inglés)
Alex Borstein na Internet Movie Database (n'inglés)
Alex Borstein n'AllMovie (n'inglés)
Alex Borstein n'Instagram
Alex Borstein en Twitter

[f9fadf3910f30efb35f9037ac265206e34de1f58-1] Afirmao en: Internet Movie Database. Identificador IMDb: nm0097504. Data de consulta: 10 xineru 2016. Llingua de la obra o nome: inglés.

[1]