Confederación Nacional del Trabayu

Confederación Nacional del Trabayu
	sindicatu, Confederación y movimientu políticu
Llocalización
Sede	Bilbao
Direición	España
Historia
Fundación	1910
Participación empresarial
Filiales	ver Milicias de la CNT (es) ;
Propietariu de	ver CNT (es) ;
Forma parte de	ver Asociación Internacional de los Trabajadores (es) ;
	Web oficial

La Confederación Nacional del Trabayu, CNT (Confederación Nacional del Trabajo, en castellanu), ye una central sindical de cadarma confederal d'ideoloxía anarcosindicalista, fundada nel Salón de les Belles Artes de Barcelona el 30 d'ochobre de 1910.^[1] Va ser el mayor sindicatu obreru d'España y anguaño ye la principal organización anarquista del país, y la única anarcosindicalista adherida a l'Asociación Internacional de Trabayadores.

Fundada en 1910 en Barcelona a partir de grupos organizaos alredor del sindicatu Solidaridad Obrera, recoyó'l testigu del espíritu del movimientu anarquista español que se traza dende la creación de la Federación de Trabayadores de la Rexón Española, organización que sucedió a la seción española de la Primera Internacional.

Con un significativu legáu históricu y cultural, la CNT continúa güei participando nel movimientu obreru español y asturianu sofitándose nos principios de l'autoxestión, el federalismu y l'ayuda mutua.

Historia

Anicios de la CNT

Cabecera del diariu *Solidaridad Obrera*

Los anicios de la Confederacion Nacional del Trabayu, CNT, hai que buscalos nel desarrollu del movimientu obreru en Cataluña a lo llargo del sieglu XIX. Na primer metá d'esti sieglu entama a espardese l'asociacionismu obreru y entamen les primeres rebeliones por medio de güelgues y la destrución de maquinaria y fábriques (ludismu), pa lluchar escontra la esplotación obrera. Hacia 1830 va a crease l'Associació de Teixidors de Barcelona, primera asociación obrera organizada n'España. El primer Congresu Obreru va a tener llugar en Barcelona l'añu 1870, y l'añu siguiente yá se debatía nel parllamentu español La Internacional. En 1890 los trabayadores organicen por primer vez n'España'l Primeru de mayu

El 17 de febreru de 1902 va a convocase en Barcelona la primera güelga xeneral revolucionaria. Unos meses anantes entamara a funcionar l'anarquista Escuela Moderna de Francisco Ferrer y Guardia.

El movimientu anarquista español nun tenía una organización nacional estable nos sos primeros años. Existió un consenso xeneral dientro del anarquismu a principios del sieglu XX de qu'una nueva organización llaboral nacional se necesitaba pa traer coherencia y fuercia al movimientu. Esta situación enmarcábase dientro del procesu natural de la revolución industrial. A lo llargo de la restauración borbónica, a los partíos tradicionales y dinásticos representaos por Cánovas del Castillo y Práxedes Mateo Sagasta, el movimientu obreru emerxente xunióse alredor del PSOE como fuercia política y de la UXT como sindicatu obreru. Nun faltaben tampoco los movimientos republicanos y con más acentu demócrata que parte de la nueva burguesía sofitaba.

El pesu del sindicalismu revolucionariu de los primeros años procedía de les tesis de los redactores de Solidaridad Obrera José Prat y Ricardo Mella, procedentes del anarcosindicalismu, pero que creíen nos preceptos básicos de la llucha sindicalista revolucionaria.

Asina, la CNT nació hacia l'año 1910 en Barcelona nun congresu del sindicatu catalán Solidaridad Obrera col oxetivu de constituir una fuercia relevante opositora al sindicatu mayoritariu n'aquella dómina, la socialista UXT y "entainar la emancipación económica de la clase trabayadora a través de la espropiación revolucionaria de la burguesía...". La CNT entamó siendo pequeña, con alredor de 30.000 miembros a través de varios sindicatos y otres confederaciones.

Militantes destacaos na CNT d'Asturies

Eleuterio Quintanilla
José María Martínez
Segundo Blanco (Secretariu Xeneral de la CNT)
Avelino González Mallada (Secretariu Xeneral de la CNT)
Avelino González Entrialgo
Ramón Álvarez Palomo (Secretariu Xeneral de la CNT nel exiliu, fación posibilista)
José Luis García Rúa (Secretariu Xeneral de la CNT)

Referencies

↑ Cent anys de CNT, de Pau Lanao i Carme Vinyoles, a la revista Presència (paxs. 6 a 13), númberu 2003, del 16 al 22 de xunetu de 2010. (en catalán)

[centenari-1] Cent anys de CNT, de Pau Lanao i Carme Vinyoles, a la revista Presència (paxs. 6 a 13), númberu 2003, del 16 al 22 de xunetu de 2010. (en catalán)

[1]