Nome d'Horus
Nome d'Horus | |
|---|---|
 | |
| Vida | |
 |
El Nome d'Horus foi'l símbolu más antiguu usáu pa representar el títulu de faraón: un ferre (dios Horus) sobro un serekh (fachada del palaciu), col nome del rei, n'escritura xeroglífica exipciana.
Nel Imperiu Mediu d'Exiptu, dinastíes XI y XII, los faraones exipcianos recibíen cinco títulos. Amestaben al nome de nacencia otros cuatro más cuando algamaben el tronu.
Yeren los siguientes:
Nome d'Horus, Nome de Nebty, Nome d'Horus Doráu, Nome de Tronu y Nome de Sa-Ra (o nome de nacencia).
Horus enriba'l Serekh ye una representación simbólica del palaciu del rei protexíu pol dios supremu del cielu, identificáu col mesmu rei, y poro, ye'l dios-rei qu'abelluga y protex la so tierra, a toles coses y seres vivos qu'habiten nella. La fuercia y significáu d'esta metáfora tien raigones míticos y relixosos darréu qu'implica'l conceutu de "rei divín" como fonte y orixe del drechu del Rei a gobernar na tierra y en tolos sos habitantes; el nome d'Horus yera del calter sagráu y tenía de ser usáu n'ámbitos culturales, ceremoniales, relixosos, máxicos, bélicos y funerarios, magar que nun heba una regla fixa y taba arreyáu a cambeos según la dómina y el contestu.
El serekh yá apaez al entamu de la historia exipciana, na Paleta de Narmer.
Sekhemib, faraón de la dinastía II, camudó'l so nome por Peribsen, y sustituyó la proteición del dios Horus pola de Seth, dablemente por problemes políticos, sustituyendo'l símbolu d'Horus pol del dios Seth. Khasekhemwy, el siguiente rei de la dinastía II, alluga sobro'l so serekh a Horus y Seth, xuntos, dablemente pa conciliar a los dos grupos enfrentaos.