Blood Blockade Battlefront

Blood Blockade Battlefront
Birinci cildin üzlüyü. Personaj: Klaus fon Raynherts
血界戦線 (Kekkai Sensen) azərb. Qan blokadası cəbhəsi‎
Janr	döyüş, fövqəltəbii, şəhər fentezisi
Manqa
Yazıçı	Yasuhiro Nayto
Nəşriyyat	Shueisha
Tərcüməçi nəşriyyat	ŞA Dark Horse Comics
Jurnal	Jump SQ.19
Demoqrafiya	şonen
Nəşr tarixi	2009 – 2015
Cildlər	10 (cild siyahısı)
Manqa
Kekkai Sensen Back 2 Back
Yazıçı	Yasuhiro Nayto
Nəşriyyat	Shueisha
Jurnal	Jump SQ.Crown
Demoqrafiya	şonen
Nəşr tarixi	2015 – hazırda
Cildlər	4 (cild siyahısı)
Anime
Rejissor	Rie Matsumoto
Ssenarist	Kazunao Furuya
Bəstəkar	Taysey İvasaki
Studiya	Bones
Digər lisenziyalar	AVA Madman Entertainment ŞA Funimation BB Anime Limited
Kanal	MBS, Tokyo MX, BS11
Digər kanallar	CŞA Aniplus Asia
Buraxılış tarixi	4 aprel 2015 – 4 oktyabr 2015
Vaxt	24 dəq.
Seriyalar	12 (seriya siyahısı)
Anime
Rejissor	Rie Matsumoto
Prodüsser	Kazunao Furuya
Ssenarist	Taysey İvasaki
Studiya	Bones
Vaxt	25 dəq.
Anime
Blood Blockade Battlefront & Beyond
Rejissor	Şiqehito Takayanaqi
Ssenarist	Yasuko Kamo
Bəstəkar	Taysey İvasaki
Studiya	Bones
Digər lisenziyalar	ŞA Funimation
Kanal	MBS, Tokyo MX, BS11
Digər kanallar	CŞA Aniplus Asia
Buraxılış tarixi	7 oktyabr 2017 – 23 dekabr 2017
Vaxt	24 dəq.
Seriyalar	12 (seriya siyahısı)

Blood Blockade Battlefront və ya Yaponiyada tanınan adı ilə Kekkai Sensen (血界戦線, azərb. Qan blokadası cəbhəsi‎) – Yasuro Nayto tərəfindən yazılan və çəkilən manqa seriyası. 2009-cu ilin fevralından aprelinə kimi "Jump SQ.19" jurnalında, daha sonra isə "Jump Square" jurnalında serializasiya olunmuşdur. Hekayə bacısının görmə qabiliyyəti qarşılığında "Tanrının hər şeyi görən gözləri"ni əldə edən Leonardo Uotç adlı gənc fotoqrafında ətrafında cərəyan edir. Bu insidentdən sonra Leonardo bədheybətlərə və terrorçulara qarşı döyüşən Libra təşkilatına qoşulmaq üçün Yeni Yerusəlim şəhərinə gedir. Manqa ABŞ-də Dark Horse Comics tərəfindən buraxılmışdır.

Bones studiyası tərəfindən anime adaptasiyası çəkilmiş və 2015-ci ildə yayımlanmışdır. Funimation animeni Şimali Amerikada lisenziyalaşdırmışdır. Animenin ikinci mövsümü 2017-ci ilin oktyabrından dekabrına kimi yayımlanmışdır.

Məzmun

Manqa seriyası keçmiş adı Nyu-York olan Yeni Yerusəlim şəhərində fəaliyyət göstərən, bədheybət və terrorçulara qarşı döyüşən Libra təşkilatının başına gələn hadisələrdən bəhs edir. Yeni Yerusəlim şəhəri "digər" dünyaya bir portalın açılması nəticəsində yaranmış və digər dünyadan gələn müxtəlif bədheybət və məxluqları şəhərə axın etmişdir. Libra təşkilatının məqsədi artıq təhlükəli şəhərə çevrilmiş Yeni Yerusəlimdə təhlükəsizliyi təmin etməkdir.

Personajlar

Libra

Leonardo Uotç (レオナルド・ウォッチ, Reonarudo Wotchi)

Səsləndirən: Ryota Osaka (Vomic), Daysuke Sakaquçi

Kor olmuş bacısına çarə tapmaq üçün Yeni Yerusəlim şəhərinə gəlmiş mehriban və təvazökar gənc fotoqrafıdr. Sirli bir varlıq bacısının görmə qabiliyyəti qarşılığında ona "Tanrının hər şeyi görən gözləri"ni vermişdir. Bu gözlər ona bir çox üstünlüklər qazandırır. Lakin gözlərinin də bir limiti var, həddən çox istifadə etdikdə qızır və kor olur. Zapp ona tez-tez sataşır və gücsüz olduğuna görə tez-tez çətin vəziyyətlərə düşür.

Klaus fon Raynherts (クラウス・V(フォン)・ラインヘルツ, Kurausu Fon Rainherutsu)

Səsləndirən: Tarusuke Şinqaki (Vomic) Rikiya Koyama

Libra təşkilatının lideridir. Çox güclü və qüvvətli şəxsdir, lakin eyni zamanda sakit, centlmen və iradəlidir. Beyin Şəbəkə Qan Döyüş Texnikası (ブレングリード流血闘術, Buren Gurīdo Ryūketojutsu) ustası olan Klaus bundan düşmənlərini möhürləmək üçün istifadə edir.

Zapp Renfro (ザップ・レンフロ, Zappu Renfuro)

Səsləndirən: Yoşimasa Hosoya (Vomic) Kazuya Nakay

Dəliqanlı, qadınlara düşkün və Böyük çömçə qan döyüş stilinin Kaqutsuçi növünün ustasıdır. Bu stillə qana istədiyi şəkili verib qılınc kimi silahlar ortaya çıxara bilir. O, çox yaxşı təlim alıb. Onun uşaq kimi hərəkətləri tez-tez Libra üzvlərini çətin vəziyyətə salır. Leonardonun ən yaxın partneridir və tez-tez bir-biriləri ilə dalaşırlar. Həmişə döyüşdə Klausu məğlub etməyə çalışır, lakin uduzur.

Çeyn Sumeraqi (チェイン・Şablon:Ruby-ja, Chein Sumeragi)

Səsləndirən: Seyko Yoşida (Vomic) Yuu Kobayaşi

Loups-Garous from Nowhere (Şablon:Ruby-ja, Rū-Garūzu furomu Nōuea) təşkilatının da üzvü olan qurd qadın. Yüksək sürətlə hərəkət edə və görünməz ola bilər. Bir az sadistik şəxsiyyətə malikdir.

Stiven Ey Starfeys (スティーブン・A・スターフェイズ, Sutībun Ē Sutāfeizu)

Səsləndirən: Kenci Hamada (Vomic) Mitsuru Miyamoto

Libranın ikinci ən əhəmiyyətli şəxsi. Esmerelda Qan Şaxtası adlı döyüş stilinin ustasıdır. Bu döyüş stili ilə düşmənlərini dondura bilir. Klaus kimi o da centlmendir.

K.K.

Səsləndirən: Ay Orikasa

Libranın sevimli və əzmli qadın snayperidir. Döyüş meydanından sərt olsa da, ərinə və iki oğluna çox bağlıdır.

Deldro Brodi və Doq Hummer (デルドロ・ブローディ ＆ ドグ・ハマー, Derudoro Burōdi & Dogu Hamā)

Səsləndirən: Keyci Fucivara & Mamoru Miyano

Bir bədəni paylaşan iki şəxsdir. Doq Hummerin qanı Deldro Brodi adlı seriyalı qatilin mayeləşdirilmiş bədəninə yerləşdirilib. Brodi Hammerə böyük güc verə bilir. Bu ikisi çox təhlükəli olduqları üçün həbsxanada saxlanılır, lakin çətin vəziyyətlərdə Libra onların köməyindən yararlanır. Marvel Comics nəşriyyatının Karnaj personajına əsaslanır.