Vazeh Əskərov
| Vazeh Əskərov | |
|---|---|
| Vazeh Eldəniz oğlu Əskərov | |
 Əskərov 2017-ci ildə. | |
| Doğum tarixi | |
| Doğum yeri | Bakı, Azərbaycan SSR |
| Vətəndaşlığı |
 Azərbaycan |
| Milliyyəti | Azərbaycanlı |
| Təhsili |
Azərbaycan Dillər Universiteti Université Robert Schuman Université Marc Bloch Université de Strasbourg |
| Fəaliyyəti |
Azərbaycan Dövlət Neft və Sənaye Universitetinin (ADNSU) rektoru. Yeni Azərbaycan Partiyasının İdarə heyətinin üzvü. Azərbaycan Fransa Məzunları Assosiasiyasının rəhbəri. Azərbaycan Savate Federasiyasının vitse-prezidenti |
| Fəaliyyət illəri | Azərbaycan-Fransız Universitetinin icraçı direktoru 2016-2023 |
| Elmi dərəcəsi | Tarix üzrə fəlsəfə doktoru |
| Elmi adı | Dosent |
| Mükafatları |
 Akademik Palma Ordeni - Zabit dərəcəsi |
Vazeh Eldəniz oğlu Əskərov (15 oktyabr 1978, Bakı) — Strasburq Universitetinin doktoru, dosent, Azərbaycan Dövlət Neft və Sənaye Universitetinin rektoru. Azərbaycan-Fransız Universitetinin icraçı direktoru (2016–2023).[1] Azərbaycan Dillər Universitetinin tədris işləri üzrə prorektoru (2014–2015). Azərbaycan Dillər Universitetinin rektor müşaviri (2013–2014). Yeni Azərbaycan Partiyasının VII qurultayında partiyanın İdarə Heyətinin üzvü seçilib (5 mart 2021-ci il). Azərbaycan Fransa Məzunlar Assosiyasiyasının presidenti və təsisçisi — AAAF (2020) Azərbaycan Savat Döyüş Sənətləri Federasiyasinın vitse-prezidenti (2019) Fransadakı Azərbaycanlı Tələbələr Assosiyasıyasının prezidenti — ASEAF (2005–2012) 13 iyul 2023-cü il tarixində Azərbaycan Dövlət Neft və Sənaye Universitetinin (ADNSU) rektoru vəzifəsi həvalə olunub. 19 mart 2024-cü il Azərbaycan Respublikasının Prezidenti İlham Əliyevin Sərəncamına əsasən Ümummilli Lider Heydər Əliyevin 100 illik xatirəsinə həsr olunmuş "Heydər Əliyev ili (1923–2003)" yubiley medalı ilə təltif edilib.
Həyatı
[redaktə | mənbəni redaktə et]Vazeh Əskərov 1978-ci ilin 15 oktyabr tarixində Bakı şəhərində ziyalı ailəsində anadan olmuşdur. 1985–1995-ci illərdə Bakı şəhəri 89 saylı və 101 saylı orta məktəbdə təhsil almışdır. 1999–2000-ci illərdə Azərbaycan Silahlı Qüvvələrində hərbi xidmət etmişdir.[2] 2001–2003-cü illərdə müxtəlif beynəlxalq və yerli təşkilatlarda tərcüməçi-menecer, ekspeditor kimi fəaliyyət göstərib.2003-cü ildə SGS şirkətlər qrupunda neftin daşınması üzrə ekspeditor vəzifəsində şalışmışdır. 2004–2012-ci illər Fransada təhsil aldığı zaman müxtəlif sahələrdə o cümlədən Horizon, AMGE, məktəb-litsey komplexlərində imtahanların yoxlanılma şöbələrində çalışmışdır.
2003–2013-cü illərdə Fransada təhsil aldığı və yaşadığı müddətdə Vazeh Əskərov ictimai fəaliyyət ilə də məşğul olmuş, 2005-ci ildən Fransadakı Azərbaycanlı Tələbələr Assosiyasının (ASEAF/FATA) sədri seçilmiş və həmin ildə Strasburq-Azərbaycan Evinin həmtəsisçisi və idarə heyətinin üzvü olmuş, Azərbaycanın Fransa ictimaiyyətinə tanıtdırılmasında əməyini əsirgəməmişdir. İctimai fəaliyyəti ərzində onlarla bülleten (AZER-İNFO) və Qarabağ həqiqətləri haqqında kitabın dərc olunması və avropalılara çatdırılmasında, eləcə də Azərbaycan üçün önəmli olan günlərin təntənəli qeyd olunması istiqamətində müxtəlif mədəni tədbirlər təşkil etmişdir.
2013-cü ilin mart ayında Azərbaycana qayıtdıqdan sonra Vazeh Əskərov Azərbaycan Dillər Universitetinin Elmi strukturunda "Gənc Tədqiqatçılar Assosiyasına" rəhbərlik etmiş, 2013-cü ilin may ayında rektorun müşaviri vəzifəsinə təyin olunmuşdur. 2014-cü ilin iyun ayından 2015-ci ilin dekabr ayına kimi Azərbaycan Dillər Universitetinin Tədris işləri üzrə prorektor vəzifəsinin müvəqqəti icra etmiş və bu müddət ərzində bir neçə dəfə rektor vəzifəsinin müvəqqəti icrasını həyata keçirmişdir. 2015-ci il dekabr ayından 2016-cı ilin dekabr aylarında rektor müşaviri vəzifəsini icra etmişdir.
Vazeh Əskərov 2016-cı ilin may ayında Azərbaycan Dillər Universitetinin Elmi Şurasının qərarı ilə Fransız dili kafedrasının dosenti seçilmişdir. 2016–2023-cü illərdə Azərbaycan-Fransız Universitetinə UFAZ icraçı direktoru vəzifəsini icra etmişdir.
2023-cü il iyul ayının 13-də Azərbaycan Respublikası Elm və Təhsil Nazirinin əmri ilə Azərbaycan Dövlət Neft və Sənaye Universitetinin strateji məsələlər üzrə prorektoru və nazirin digər əmri ilə ADNSU-nun rektoru vəzifəsini icrasına başlamışdır.
Yeni Azərbaycan Partiyasının VII qurultayında (5 mart 2021-ci il) YAP İdarə Heyətinin üzvü seçilib.
2014-cü ildə Vazeh Əskərovun Fransanın Presses Academiques Francophones (PAF) nəşriyyatında "L’immigration des Azerbaïdjanais" adlı monoqrafiyası, 2016-cı ildə isə eyni nəşriyyatda "Gerondif, Participe present, Adjectif verbal" adlı dərs vəsaiti dərc olunmuşdur. 2022-ci ildə "L'immigration des Azerbaïdjanais en France" adlı Fransanın Edition Kapaz nəşriyyatında yenidən dərc edilmişdir. 30-a yaxın elmi məqalənin müəllifi olan Vazeh Əskərov fransızca dərc olunmuş 6 kitabın redaktoru olmuş və bir neçə beynəlxalq konfranslarda iştirak etmiş eləcə də ictimai-siyasi sahələr üzrə 100-ə qədər məqalə və müsahibələri dərc olunmuşdur.
Ailəsi
[redaktə | mənbəni redaktə et]Ailəlidir, iki övladı var
Təhsili
[redaktə | mənbəni redaktə et]1995–1999-cu illlərdə Azərbaycan Dillər Universitetində bakalavr təhsili alıb. 2003-cü ildə Fransanın Robert Schuman Universitetinə qəbul olunaraq Strasburq şəhərinə getmişdir. 2004–2007-ci illərdə Fransanın Marc Bloch Universitetində magistratura pilləsi üzrə Maitrise, Master 1 və Master 2, 2007–2012 illərdə Fransanın Strasburq Universitetində Avropada cəmiyyət və mədəniyyət departamentində "Azərbaycanlıların Fransaya mühacirəti: tarix və perspektivlər" mövzusunda doktorantura pilləsi üzrə PhD təhsili almış və 2012-ci ildə Strasburq Universitetinin Doktoru dərəcəsinə layiq görülmüşdür[3]. Strasburq Universitetinin Fəlsəfə Doktoru PhD diplomu 2016-cı ilin fevral ayında Azərbaycan Respublikası Prezidenti yanında Ali Attestasiya Komissiyası tərəfindən nostrifikasiya edilmiş və Azərbaycanda ilk təkrar attestasiya edilmiş Fransa doktorluq diplomu kimi tarixə düşmüşdür. 18 fevral 2019-cu il Azərbaycan Respublikası Prezidenti yanında Ali Attestasiya Komissiyasının qərarının əsasında Vazeh Əskərova tarix üzrə fəlsəfə doktoru, dosent diplomu təqdim edilmişdir.
Fəaliyyəti
[redaktə | mənbəni redaktə et]Əmək fəaliyyəti
[redaktə | mənbəni redaktə et]Universitetdə tələbə olduğu müddətdə III və IV kurslarda Fransanın Azərbaycandakı səfirliyində müqavilə əsasında işləmiş, Universiteti bitirdikdən sonra 2000–2001-ci illərdə Fransanın Azərbaycandakı səfirliyinin mədəniyyət şöbəsində George Sand mərkəzində müdir müavini vəzifəsində çalışmışdır. 2001–2003-cü illərdə müxtəlif beynəlxalq və yerli təşkilatlarda tərcüməçi-menecer, ekspeditor kimi fəaliyyət göstərib.2003-cü ildə SGS şirkətlər qrupunda neftin daşınması üzrə ekspeditor vəzifəsində şalışmışdır.[4] 2004–2012-ci illər Fransada təhsil aldığı zaman müxtəlif sahələrdə o cümlədən Horizon, AMGE, məktəb-litsey komplexlərində imtahanların yoxlanılma şöbələrində çalışmışdır. 2013-cü ilin mart ayından Azərbaycana qayıtdıqdan sonra Vazeh Əskərov Azərbaycan Dillər Universitetinin Elmi strukturunda "Gənc Tədqiqatçılar Assosiyasına" rəhbərlik etmiş, 2013-cü ilin may ayında rektorun müşaviri vəzifəsinə təyin olunmuşdur. 2014-cü ilin iyun ayından 2015-ci ilin dekabr ayına kimi Azərbaycan Dillər Universitetinin Tədris işləri üzrə prorektor vəzifəsinin müvəqqəti icra etmiş və bu müddət ərzində bir neçə dəfə rektor vəzifəsinin müvəqqəti icrasını həyata keçirmişdir. 2015-ci il dekabr ayından 2016-cı ilin dekabr aylarında rektor müşaviri vəzifəsini icra etmişdir. Vazeh Əskərov 2016-cı ilin may ayında Azərbaycan Dillər Universitetinin Elmi Şurasının qərarı ilə Fransız dili kafedrasının dosenti seçilmişdir.[5] 2016-cı ilin dekabr ayından etibarən Azərbaycan-Fransız Universitetinə UFAZ icraçı direktoru vəzifəsini icra etmişdir. 2023-cü il iyul ayının 13-də Azərbaycan Respublikası Elm və Təhsil Nazirinin əmri ilə Azərbaycan Dövlət Neft və Sənaye Universitetinin strateji məsələlər üzrə prorektoru və nazirin digər əmri ilə ADNSU-nun rektoru vəzifəsini icrasına başlamışdır. 30-a yaxın elmi məqalənin müəllifi olan Vazeh Əskərov fransızca dərc olunmuş 6 kitabın redaktoru olmuş və bir neçə beynəlxalq konfranslarda iştirak etmiş eləcə də ictimai-siyasi sahələr üzrə 100-ə qədər məqalə və müsahibələri dərc olunmuşdur. Yeni Azərbaycan Partiyasının VII qurultayında (5 mart 2021-ci il) YAP İdarə Heyətinin üzvü seçilib.[6]
Təltifləri
[redaktə | mənbəni redaktə et]- 2020-ci ilin 8 yanvar Fransa Milli Təhsil və Gənclər nazirliyinin təqdimatının əsasında Vazeh Əskərov " Akademik palma " ordeninin Zabit dərəcəsi ilə təltif edilmişdir.[7]
- 2020-ci il 11 noyabr tarixində Fransız Suvenirləri (Souvenirs Français) rəsmi ordeni və diplomu ilə təltif edilmişdir.
- 2020-ci il 30 dekabr tarixində Azərbaycan Dövlət Neft və Sənaye Universitetinin (ADNSU) 100 illik yubileyi münasibətilə və təhsilin inkişafında xidmətlərinə, yüksək ixtisaslı peşəkar kadrların hazırlanmasında səmərəli elmi-pedaqoji fəaliyyətlərinə görə Azərbaycan Respublikası Təhsil Nazirliyinin Fəxri Fərmanı ilə təltif edilib.[8]
- 2024-cü il 19 mart Azərbaycan Respublikasının Prezidenti İlham Əliyevin Sərəncamına əsasən Ümummilli Lider Heydər Əliyevin 100 illik xatirəsinə həsr olunmuş "Heydər Əliyev ili (1923–2003)" yubiley medalı ilə təltif edilib.[9]
İstinadlar
[redaktə | mənbəni redaktə et]- ↑ Könül Kamilqızı. "Fransız-Azərbaycan Universitetinə direktor təyin olunub" (az.). apa.az. 14 dekabr 2016. 31 yanvar 2021 tarixində arxivləşdirilib. İstifadə tarixi: 31 yanvar 2021.
- ↑ "Azərbaycan-Fransız Universitetinin direktoru:". adu.edu.az (az.). 2021-01-31 tarixində arxivləşdirilib. İstifadə tarixi: 2021-01-31.
- ↑ "Ali Attestasiya Komissiyası tarixində ilk qərar..." moderator.az (az.). 2021-01-31 tarixində arxivləşdirilib. İstifadə tarixi: 2021-01-31.
- ↑ "Frankofoniya Universitetlər Agentliyinin təmsilçisi ADU-da". azertag.az. 2021-01-31 tarixində arxivləşdirilib. İstifadə tarixi: 2021-01-31.
- ↑ ". "UFAZ-ın direktoruna dosent diplomu təqdim olunub". Xalqqazeti.az (az.). 2024-06-19 tarixində arxivləşdirilib. İstifadə tarixi: 2024-06-19.
- ↑ "İdarə Heyəti". / (ingilis). 19 iyun 2024. 2021-02-10 tarixində arxivləşdirilib. İstifadə tarixi: 2021-03-11.
- ↑ "UFAZ-ın icraçı direktoru Fransanın Akademik Palma Ordeninin Zabit dərəcəsi ilə təltif edilib (FOTO)". Trend.Az (az.). 2 dekabr 2021. 2022-11-24 tarixində arxivləşdirilib. İstifadə tarixi: 2022-11-24.
- ↑ "Quoi de neuf dans nos délégations ?". Le Souvenir Français (fransız). 29 iyul 2021. 2022-11-24 tarixində arxivləşdirilib. İstifadə tarixi: 2022-11-24.
- ↑ ""Təhsil Nazirliyi ADNSU-nun 100 illik yubileyi münasibətilə universitetin bir qrup əməkdaşını təltif edib"". asoiu.edu.az. 2022-11-24 tarixində arxivləşdirilib. İstifadə tarixi: 2024-06-19.