12
poenjan kajoené ané lèn-lènan. Boewină boewahné ané paling boewată. Di Bali tengah langah pesan adă poenjan asem. Tegarang njambat apan-apan ané rasanné masem!
Daweg raină Anggară Oemanis, wară Landep poenikă, titijang mandoes ring Daoe. Nembé pisan titijang mandoes merikă. Daoe poenikă wastaning genah pesiraman, perenah kalèr kangin saking koetă Gijanjar, ring toekad Daah poenika. Ring Daoe makèh wènten tojă anakan, sané medal saking
parasé ring abingé sisi kanginan toekad poenikă. Tojanipoeně ening pisan, kekarjanang pantjoran medèrèk kalèr kelod, kèhipoen sewetară akoetões ageng alit; sané ring tengah poenikă pantjorané pilih agengă. Ketjoran tojanipoen betjik pisan. Daweg titijangé ke Daoe goemanti sampoen lingsir, .
minab wènten daoeh pat. Tojan pantjoran poenikä keni soenaran soerjă, pekantenanipoené sekadi selakă. Keritisannjané sekadi barlijané sambehang.
Sedaweg poenika wènten anak mandoes irikă; minab oelangoen manahipoené. Ipoen waoe pisan oesan ngandik paras. Mawinan ipoen merikă kepantjorané, seantoekan sekadi pelapin antoek daoen pakoené sané mentik ring samping pantjorané, meontèlan ketempoeh antoek angin aris.
Seoesan djanmă poenikă mandoes, takénin titijang boewat pekarjanipoené. Pesaoetipoené, goemanti njaberan ipoen merikă ngerereh paras, patjang adolă.
Paras poenikă dados anggèn topo, saringan, togog, sendi, keloewoeng; wènten malih sané kewangoen merepat, pandjangipoené tigang langkat, meloembang alangkat, tebelipoené petang njari; poenikă kewastanin paras pěnoekoeb. Taler wènten paras kekenan, wangoenipoené merepat, mepandjang kalih langkat, meloembang pitoeng njari, tebelipoené petang njaţi. Poenikă sané keanggèn tèmbok. Paras poenikă makèhan manggé ring poeră-poeră, keanggèn pe-
