Rahina Wraspati,PurnamaSasih Kasa,wuku Gumbreg, pinanggal 17 Juli 2008. Makéh krama Baliné makarya ngewangun yadnya, dewasané becik pisan Sulinggih ring gria laris manis muputang sekancan yadnya. Arin titiang, Mahindu Swara, sareng istrinnyané lepug kawantu kulawarga muang nyama braya ring pakuwuban Paumahan Bali Anyar ramia matulungan. Sané magenah ring Paumahan Bali Anyar punika pakaryan nyané pada matiosan. Sami sané magenah ngarangin drika wau meneng akudang rahina. Rata-rata polih genah a-are. Kagenahin nyama braya saking Kabupatén Tabanan, Badung, Dénpasar, Gianyar, Bangli, Buléléng, Negara, Klungkung, lan Karangasem. Cutetné Paumahan Bali Anyar jangkep sia saking kutus kabupatén muang siki saking Kota Dénpasar. Punika mawinan kabaos Paumahan Bali Anyar. Sawiréh genahé kagentosin sami olih sameton Bali. Genahé punika kantun kaiterin carik kamanahin antuk titiang padéwékan tuah ngantos galah kémanten, cariké bakal telas dados paumahan. Man bas keto Baliné lais tan wénten sané nambakin mangda cariké tan dados paumahan.
"Badah! Tengudiang bébék bengék ané umanang?" biang titiang tangkejut miragi bébéké gelem angkih-angkih turmaning nglépak kejet-kejet cara gorok. Pegat angkihané.
20
