Рана

Вэрсія для друку болей не падтрымліваецца і можа мець памылкі апрацоўкі. Калі ласка, абнавіце закладкі броўзэру і выкарыстоўвайце ўбудаваную функцыю друку броўзэру.

Рана (па-лацінску: vulnus, eris n.) — парушэньне анатамічнай цэласнасьці покрыўных ці ўнутраных тканак на ўсю іх таўшчыню, а часам таксама й унутраных органаў, выкліканае мэханічным узьдзеяньнем. Адметныя прыкметы: боль, крывацёк, зеўра.

У залежнасьці ад умоў ўзьнікненьня раны падзяляюць на:

рэзаныя — нанесеныя сьлізгальным рухам тонкага вострага прадмету;
колатыя — нанесеныя прадметам з невялікім папярочным перасекам;
колата-рэзаныя — нанесеныя вострымі прадметамі з рэжучымі бакамі;
ірваныя — з прычыны моцнае расьцягваньня тканак;
укушаныя — нанесеныя зубамі жывёл або чалавека;
сечаныя — нанесеныя цяжкім вострым прадметам;
разьбітыя — характарызуюцца расплюшчваньнем і разрывам тканак;
выцятыя — ад удару тупым прадметам з адначасовым ударам навакольных тканак;
агнястрэльныя — ад агнястрэльнай зброі або аскепкаў боепрыпасаў выбухнога дзеяньня;
скальпіраваныя — з поўным або амаль поўным аддзяленьнем акраўка скуры;
апэрацыйныя, або хірургічныя — падчас хірургічнай апэрацыі.

Глядзіце таксама

Язва