Юніён Сэн-Жыль

	Юніён
Поўная назва	Royale Union Saint-Gilloise
Заснаваны	1 лістапада 1897
Горад	Сэн-Жыль, Бэльгія
Стадыён	Жазэф Мар’ен; Умяшчальнасьць: 9400
Кіраўнік	Тоні Блум[d]
Галоўны трэнэр	Сэбастыен Паканьёлі[d];
Чэмпіянат	Про Ліга
· 2023—2024	2 месца
	Галерэя здымкаў у Вікісховішчы; rusg.brussels (фр.) (нід.) (анг.)

Юніён (па-француску: Union SG; поўная назва: Royale Union Saint-Gilloise) — бэльгійскі футбольны клюб з Сэн-Жылью, які ўваходзіць у склад Брусэльскага сталічнага рэгіёну. Ёсьць аднім з самых пасьпяховых клюбаў у гісторыі бэльгійскага футболу. Гэтак з 1904 па 1935 гады «Юніён» адзінаццаць разоў здабываў тытул чэмпіёна Бэльгіі, больш за любы іншы бэльгійскі футбольны клюб да Другой сусьветнай вайны. Традыцыйнымі колерамі каманды ёсьць блакітны і жоўты. Мае рэгістрацыйны нумар 10 у сьпісе Каралеўскай футбольнай асацыяцыі Бэльгіі. Клюб традыцыйна папулярны сярод супольнасьцяў рабочай клясы паўднёвага Брусэлю, а таксама працаўнікоў інстытуцыяў Эўрапейскага Зьвязу і флямандзкай супольнасьці гораду. 13 сакавіка 2021 году пасьля працяглай адсутнасьці ў эліце бэльгійскага футболу «Юніён» павярнуўся ў Першы дывізіён А.

Гісторыя

Клуб быў заснаваны ў 1897 годзе і атрымаў рэгістрацыйны 10 нумар. Адразу ж па закладаньні дружына паказвала добрыя вынікі. Гэтак у пэрыяд з 1904 па 1935 гады клюб адзінаццаць разоў станавіўся найлепшым у краіне. У з 1933 па 1935 гады «Юніён» 60 матчаў запар скончыла перамогай ці нічыёй, усталяваўшы, такім чынам, рэкода у гісторыі бэльгійскага футболу. На пачатку 1900-х гадоў клюб таксама браў удзел у міжнародных эўрапейскіх турнірах, маючы пэўныя посьпехі.

У пэрыяд з 1958 па 1965 гады клюб добра гуляў у Кубку кірмашоў, дасягнуўшы нават паўфіналу. У розыгрышу турніру «Юніён» выбіў італьянскую «Рому». Аднак у 1963 годзе клюб страціў месца ў найвышэйшым дывізіёне, а ў 1980 апусьціўся яшчэ глыбей у сыстэме бэльгійскіх футбольных лігаў.

21 траўня 2018 году на пасаду прэзыдэнта клюбу быў зацьверджаны старшыня ангельскага клюбу «Брайтан энд Гоўв Альбіён» Тоні Блум^[2]. Пасьля гэтага клюб пачаў паляпшаць свае вынікі. 13 сакавіка 2021 году пасьля перамогі над «Маленбээкам» зь лікам 2:1, «Юніён», нарэшце, павярнуўся ў найвышэйшы дывізіён, у якім адсутнічаў з 1972 году. Праз абмежаваньні ў выніку пандэміі каранавірусу, заўзятары клюбу на здолелі адсьвяткаваць гістарычнае вяртаньне на стадыёне.

10 красавіка 2022 году ў свой першы сэзон па вяртаньні клюб здолеў здабыць тэхнічную перамогу над клюбам «Бээрсхот» і ўзначаліць турнірную табліцы, усталяваўшы новы рэкорд, бо ніводнага разу клюб пасьля павышэньня ня здолеў ачоліць выніковую табліцу сэзону. Тым ня менш, у матчах плэй-оф на вызначэньне выніковых месцаў «Юніён» саступіў першы радок «Бруге». У выніку брусэльцы здабылі квіток у кваліфікацыйны раўнд Лігі чэмпіёнаў упершыню ў гісторыі клюбу. Пасьля хатняй перамогі зь лікам 2:0 у матчы супраць шатляндзкага «Рэйнджарзу» бэльгійцы трывалі паразу ў Глазга зь лікам 3:0. Такім чынам, клюб быў дапушчаны да ўдзелу ў асноўным раўндзе Лігі Эўропы.

Тытулы

Чэмпіён Бэльгіі: 11
- 1904, 1905, 1906, 1907, 1909, 1910, 1913, 1923, 1933, 1934,
- 1935
Уладальнік Кубка Бэльгіі: 3
- 1913, 1914, 2024
Уладальнік Супэркубка Бэльгіі: 1
- 2024

Склад

Актуальны на 13 верасьня 2024 году

№	Пазыцыя	Імя	Год нараджэньня
1	Бр	Вік Шамбарэ	2003
4	ПА	Матыяс Расмусэн	1997
5	Аб	Кевін Макалістэр	1997
6	ПА	Каміль Ван Дэ Пэрэ	2004
7	Нап	Элтан Кабангу	1998
8	ПА	Лязар Амані	1998
10	ПА	Ануар Аіт Эль-Гадж	2002
11	Нап	Гэнак Тэкляб	1998
12	Нап	Проміс Дэйвід	2001
13	Нап	Кевін Радрыгес	2000
14	Бр	Юакім Імбрэктс	2001
15	Нап	Мамаду Траарэ	2002
16	Аб	Крыстыян Бэрджэс	1991
17	Нап	Каспэр Тэрха	2003
19	Аб	Гіём Франсуа	1990

№	Пазыцыя	Імя	Год нараджэньня
21	ПА	Алесьё Кастра-Мантэс	1997
23	Нап	Сафіян Буфаль	1993
24	ПА	Шарль Вангаўтэ	1998
25	Нап	Анан Халяйлі	2004
26	Аб	Рос Сайкс	1999
27	ПА	Ноа Садыкі	2004
28	Аб	Кокі Мачыда	1997
48	Аб	Фэдэ Лейсэн	2003
49	Бр	Антані Марыс (капітан)	1990
77	Нап	Магамэд Фусэйні	2002
85	Аб	Арно Дані	2004
89	Нап	Франьё Іванавіч	2003
—	ПА	Ляік Ляпусэн	1996
—	Нап	Усэйну Ньянг	2001