Інгрыда Андрыня

Інгрыда Андрыня
лат.: Ingrīda Andriņa
Дата нараджэння	23 красавіка 1944(1944-04-23) ці 23 чэрвеня 1944(1944-06-23)
Месца нараджэння	Рыга, Рэйхскамісарыят Остланд
Дата смерці	17 верасня 2015(2015-09-17) (71 год)
Месца смерці	Рыга, Латвія
Месца пахавання	Лясныя могілкі
Грамадзянства	СССР  Латвія
Адукацыя	Усерасійскі дзяржаўны ўніверсітэт кінематаграфіі імя С. А. Герасімава
Прафесія	актрыса, кінаактрыса
IMDb	ID 0029018

Інгрыда Андрыня (лат.: Ingrīda Andriņa; 23 чэрвеня 1944 — 17 верасня 2015) — латвійская актрыса тэатра і кіно.

Біяграфія

Інгрыда Андрыня (у замужжы Калніня) нарадзілася ў Рызе, бацька — дызайнер, працаваў у тэкстыльнай прамысловасці, спартыўнец. Маці — капіроўшчыца.

Скончыла рыжскую сярэднюю школу № 2 (1963) і акцёрскі факультэт Усесаюзнага дзяржаўнага інстытута кінематаграфіі ў Маскве (1967).

Першую ролю ў кіно — безназоўнай жанчыны, якая кінула сваё дзіця ў радзільным доме — Інгрыда Андрыня сыграла ў фільме «Дзеці Дон Кіхота», студэнткай УДІКа. Актрыса ледзь не адмовілася ад здымак, папрасіла не пазначаць свайго прозвішча ў тытрах. Рэжысёр Яўген Карэлаў знайшоў арыгінальнае рашэнне — гледачы ні разу не ўбачылі твар персанажа; адзіная сцэна, невялікая, але гранічна драматычная, была пачынаючай артысткай, побач з такім магутным, харызматычным партнёрам як Анатоль Папанаў, «сыграна спіной» і вельмі высока ацэнена і крытыкай, і калегамі-кінематаграфістамі.

Пасля заканчэння вучобы — актрыса Драматычнага тэатра ім. А. Упіта (Нацыянальнага тэатра). З 2001 года працавала па-за штатам.

Дэбютавала ў кінематографе ў ролі Нары ў кароткаметражным фільме «У перадсвітальнай смузе» (1967).

Шмат здымалася на розных кінастудыях Савецкага Саюза. Усесаюзную папулярнасць актрысе прынеслі ролі ў касцюмна-прыгодніцкіх фільмах «Апошняя рэліквія» (1969) і «Слугі д’ябла» (1970).

Пік творчай актыўнасці прыпаў на 1970-я гады. З роляў, сыграных у гэты перыяд, вылучаюцца роля геафізіка Крысты ў драме «Вадаспад» і роля нямецкай дзяўчыны з Берліна ў кінаэпапеі «Вызваленне».