Варфаламееўская ноч

Варфаламееўская ноч (фр.: massacre de la Saint-Barthélemy — разня Св. Варфаламея) — масавая разня гугенотаў у Францыі, учыненая каталікамі ў ноч на 24 жніўня 1572 года, на пярэдадне дня Святога Варфаламея. Па розных ацэнках, загінула каля 40 тысяч чалавек.^[1]

Традыцыйна прынята лічыць, што Варфаламееўская ноч была справакавана Кацярынай Медычы, маці французскага караля Карла IX з падачы сваіх італьянскіх саветнікаў, такіх як Альбера дэ Гондзі і Ладавіка Ганзага. Разня адбылася праз шэсць дзён пасля вяселля каралеўскай сястры Маргарыты з пратэстантам Генрыхам Наварскім, у сувязі з якой многія з самых багатых і бачных гугенотаў сабраліся ў пераважна каталіцкім Парыжы. Разня пачалася 24 жніўня 1572 года, на пярэдадне дня Святога Варфаламея, праз два дні пасля замаху на адмірала Гаспара Каліньі, ваеннага і палітычнага правадыра гугенотаў.

Зноскі

↑ У артыкуле ЭСБЕ «Варфаламееўская ноч» гаворыцца пра 2000 загінулых у Парыжы і яшчэ каля 30 тысяч па ўсёй Францыі

Спасылкі

На Вікісховішчы ёсць медыяфайлы па тэме Варфаламееўская ноч
Варфоломеевская ночь // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

[1] У артыкуле ЭСБЕ «Варфаламееўская ноч» гаворыцца пра 2000 загінулых у Парыжы і яшчэ каля 30 тысяч па ўсёй Францыі

[1]