Зайцава (Задроўеўскі сельсавет)

Вёска Зайцава Краіна Беларусь Вобласць Віцебская Раён Аршанскі Сельсавет Задроўеўскі Каардынаты 54°29′33″ пн. ш. 30°09′43″ у. д. Насельніцтва ▼15 чал. (2009) Часавы пояс UTC+3 Тэлефонны код +375 216 Аўтамабільны код 2 СААТА 2236818041 Зайцава на карце Беларусі ±

Зайцава на Вікісховішчы

За́йцава (трансліт.: Zajcava, руск.: Зайцево) — вёска ў Аршанскім раёне Віцебскай вобласці. Уваходзіць у склад Задроўеўскага сельсавета. За 26 км на захад ад горада і чыгуначнай станцыі Орша, 2,5 км ад прыпынку Сонечны на лініі Орша — Мінск, 101 км ад Віцебска. Транспартныя сувязі па мясцовай дарозе і потым па шашы Мінск — Смаленск.

Гісторыя

У пачатку 20 стагоддзя ў Баранскай воласці Аршанскага павета Магілёўскай губерні, вёсцы належалі 134 дзесяцін зямлі. З 20 жніўня 1924 года ў Коханаўскім раёне Аршанскай акругі (да 26 ліпеня 1930 года), з 8 ліпеня 1931 года ў Аршанскім раёне, з 20 лютага 1938 года ў Віцебскай вобласці. У 1926 годзе — вёска Казённае Зайцава ў Тумініцкім сельсавеце. У 1929 годзе створаны калгас «Чырвоны сцяг». У Другую сусветную вайну загінулі 17 воінаў і мірных жыхароў вёскі. З 9 верасня 1946 года ў Коханаўскім, з 17 снежня 1956 года ў Аршанскім, з 25 снежня 1962 года ў Талачынскім раёне. З 18 сакавіка 1963 года ў Сальніцкім сельсавеце, які 11 верасня 1965 года перайменаваны ў Задроўеўскі сельсавет.

Насельніцтва

• 20 двароў, 150 жыхароў (пачатак 20 стагоддзя)
• 163 жыхары (1923)
• 38 двароў, 180 жыхароў (1926)
• 137 жыхароў (1959)
• 20 гаспадарак, 30 жыхароў (1998)
• 7 гаспадарак, 9 жыхароў (2018)

Літаратура

• Гарады і вёскі Беларусі: Энцыклапедыя. Т. 10: Віцебская вобласць, кн. 1 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2018. — 696 с.: іл. — 1 000 экз. — ISBN 978-985-11-1062-5.

Спасылкі

• На Вікісховішчы ёсць медыяфайлы па тэме Зайцава (Задроўеўскі сельсавет)