Уключае 3 віды (разглядаюць таксама як 1 паліморфны від). Пашыраны ва ўмераных паясах абодвух паўшар'яў. У культуры каноплі пасяўныя (Cannabis sativa) — лубнавалакністая, алейная і прадзільная расліна, пашырана ў Цэнтральнай Азіі і Еўропе. Каноплі індыйскія (Cannabis indica) культывуюць у тропіках і субтропіках пераважна як наркатычную расліну, вытворчасць якой многімі краінамі забароненая. Каноплі пустазельныя (Cannabis ruderalis) — пустазелле яравых пасеваў.
