Кантрабанда

Канфіскаваная кантрабандная партыя зброі

Кантрабанда (італ.: contrabbando, ад італ. Contra — супраць і італ. Bando — урадавы ўказ) — незаконнае перамяшчэнне праз дзяржаўную мяжу тавараў, каштоўнасцяў і іншых прадметаў, гэта значыць перасоўванне тавараў, каштоўнасцяў і іншых прадметаў, якое суправаджаецца парушэннем патрабаванняў мытнага заканадаўства.

Цыгарэты

Кантрабанда ў Англію расійскіх цыгарэт, схаваных у бетонным блоку (2010 г.)

У 2012 годзе траціна сусветнага экспарту цыгарэт прыпала на кантрабанду. Прыбытковасць кантрабанды адной скрыні (50 блокаў) цыгарэт склала $1766, фургона — $78 500, кантэйнера — $1,57 млн.

Беларусь

Паводле 228-га артыкула Крымінальнага кодэкса Рэспублікі Беларусь 1999 года, кантрабанда вартасцю звыш 2000 базавых велічыняў караецца спагнаннем або абмежаваннем свабоды на тэрмін да 5 гадоў. Пагатоў кантрабанда дурманлівых і радыёактыўных рэчываў, атруты, выбухоўкі, зброі і боепрыпасаў караецца пазбаўленнем свабоды на тэрмін ад 3 да 7 гадоў з магчымай канфіскацыяй маёмасці. За кантрабанду ў змове з іншай асобай, або з гвалтам супраць мытніка, ці асабліва небяспечных дурманлівых рэчываў прадугледжваецца зняволенне ад 5 да 10 гадоў з магчымай канфіскацыяй маёмасці. Кантрабанда ў складзе арганізаванай групы караецца зняволеннем ад 7 да 12 гадоў з магчымай канфіскацыяй маёмасці.

Артыкул 14.1 Кодэкса Рэспублікі Беларусь аб адміністрацыйных правапарушэннях 2003 года прадугледжвае спагнанне ад 30 да 50 базавых велічыняў (б.в.) з магчымай канфіскацыяй тавара і транспартнага сродку, на якім яго везлі, за правоз тавараў (вартасцю менш за 2000 б.в.) праз мяжу ў абыход мытні. Пагатоў з індывідуальнага прадпрымальніка (ІП) ў такім выпадку спаганялі ад 100 да 150 базавых велічыняў, з юрыдычнай асобы — ад 500 да 800 базавых велічыняў, таксама з магчымай канфіскацыяй тавару і транспарта. Правоз тавараў, якія падлягаць дэклараванню, праз мытню ў тайніку або з наданнем выгляду іншага тавара прадугледжвае спагнанне да 30 базавых велічыняў з магчымай канфіскацыяй тавара, тайніка і транспарта. Пагатоў з ІП спаганялі да 100 базавых велічыняў, з юрыдычнай асобы — да 500 базавых велічыняў, таксама з магчымай канфіскацыяй тавара, тайніка і транспарта.

У культуры

Паэт Янка Сіпакоў напісаў баладу «Кантрабанда» пра беларускага першадрукара Францыска Скарыну.

Галерэя

• 
  Кантрабанда 550 кг марыхуаны на грузавіку (Аргенціна, 2017 г.)
• 
  Кантрабанда 10 кг метамфетаміну ў аўтамабільнай шыне (ЗША, 2014 г.)

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 5. — 10 000 экз. — ISBN 985-11-0035-8. — ISBN 985-11-0144-3 (т. 8).
• Канстанцін Нашчынец. Кантрабанда як сацыяльная з’ява // Беларуская думка : часопіс. — Студзень 2018. — № 1. — С. 91-97. — ISSN 1990-763x.

Спасылкі

• "Як гэта працуе: кантрабанда беларускіх цыгарэт". Партал «Салігорск.орг». 26 студзеня 2016. Архівавана з арыгінала 1 верасня 2018. Праверана 14 ліпеня 2018.
• "Кантрабанда". Газета «Звязда». 21 чэрвеня 2018. Праверана 14 ліпеня 2018.
• "Кантрабанда". Газета «Новы час». 22 студзеня 2018. Праверана 14 ліпеня 2018.
• "Кантрабанда". Еўрарадыё. 26 чэрвеня 2018. Архівавана з арыгінала 5 ліпеня 2022. Праверана 14 ліпеня 2018.{{cite news}}: Папярэджанні CS1: бот: невядомы статус арыгінальнага URL (спасылка)
• "Кантрабанда". Тэлеканал «Белсат». 26 чэрвеня 2018. Праверана 14 ліпеня 2018.
• "Кантрабанда". Беларуская рэдакцыя Польскага Радыё. 21 чэрвеня 2018. Праверана 14 ліпеня 2018.
• "Кантрабанда". Партал «Крыніца». 10 лютага 2016. Архівавана з арыгінала 18 студзеня 2021. Праверана 14 ліпеня 2018.
• "Кантрабанда". Радыё «Спутнік». 24 лістапада 2016. Праверана 14 ліпеня 2018.